734

olunacakdır ve bu bâbda hilâf-ı usûl hareketden her kim olur ise olsun
mes’ûl tutulacakdır

( Dördüncü Fasıl Osmânî Nişân-ı Hümâyûnuna Nâil )
( Olanların İmtiyâzât ve Mükâfâtı )

On sekizinci bend her bir sınıfdan işbu nişân-ı âlîye nâil olanların rütbeleri
lede’l-iktizâ kendilerine verilecek ve anlara dâir yazılacak fermân-ı âlî
ve ruûs-ı hümâyûn ve sâir muharrerât-ı resmiyede zikr ve îrâd olunacakdır

( Beşinci Fasıl Osmânî Nişân-ı Hümâyûnu Ta‘lîkden )
( Mahrûm İden Hâlât )

On dokuzuncu bend her sınıfda Devlet-i Aliyyeye kavlen ve fi‘len hıyânet ve irtişâ
ve sirkat ve katl-i nefs gibi cerâim ile müttehem olanların bi’l-muhâkeme sâbit olan
cünhaları üzerine icrâ olunacak mücâzât-ı kânûniyelerinden başka üzerlerinde
bulunan nişanları dahi dâimî olarak ahz ve nez‘ kılınacakdır

Yirminci bend sınıf-ı celîl-i askerîde işbu nişân-ı hümâyûnu hâmil olan
ümerâ ve zâbitândan müebbeden tardını mûcib olacak töhmetle müttehem olanlar
ve küçük zâbitân ve neferâtdan mâfevkinde olan zâbitâna el kaldırmak ve katl-i
nüfûs ve sirkat ve firâr töhmetlerini irtikâb idenler mücâzât-ı kânûniyelerinin
başkaca icrâsından mâadâ işbu nişân-ı hümâyûnu hâmil olmak şerefini dahi
zâyi‘ edecekdir

Yirmi birinci bend işbu nişân-ı âlî ihsân buyurulanlar tarafından Dersaâdet’de
ise Bâb-ı Âlî Teşrîfât Me’mûriyeti ma‘rifetiyle nişânın ahzini müş‘ir
bir makbûz senedi ahz olunub ve nişâna nâil olan taşrada oldığı hâlde
zâbiti vâsıtasıyla kezâlik elinden sened alınarak cânib-i teşrîfâta
gönderilüb orada hıfz olunacakdır ve hall-i vukû‘unda nişân-ı mezkûr yine
teşrîfâta teslîm olundığı gibi alınmış olan sened redd olunacakdır ve işbu
nişân-ı âlînin bir rütbesinden diğerine irtikâ idenler dahi yeni nişânı ahz
itdikleri