745

Veznine müsâvîdir yüz vukiyye-i a'şâriye kantâr-ı a'şâri veyâhud kintâl ve bin vukiyye-i a'şâriye dahi tonilato veyâhud ton tesmiye olunur.

Yedinci Madde
Mi'yâr olmak üzere platinden bir kilo veznine müsâvî bir vukiyye-i a'şâriye i'mâl ettirilerek hazîne-i hümâyûnda hıfz olunacakdır.

Sekizinci Madde
Mesâhât ve ekyâl ve evzân-ı a'şâriye içün kullanılacak mikyâslar ikinci ve birinci maddelerde beyân olunan mi'yârlara muvâfık olarak i'mâl olunacak ve mu'âmelât-ı ahz ve i'tâda kullanılan terâzû ve mikyâsların ayâr nizâmında bulunduklarına alâmet olmak üzere üzerlerine tamgâ vurulacak ve mikyâslara bir de mikdârını mübeyyin rakam vaz' edilecektir.

Dokuzuncu Madde
Bin ikiyüz seksen yedi senesi Martı ibtidâsından i'tibâren memâlik-i mahrûse-i şâhânede devâir-i resmiye ve hukûmât-ı mahalliyenin vukû'bulacak cemî' mu'âmelât ve mübâya'âtı cedîd mikyâslar üzerine cereyân edecekdir.

Onuncu Madde
Seksen yedi senesinden doksan senesi Martına değin evzân ve ekyâl-i atîkanın ahâlice isti'mâli muhayyer olup fakat bu müddet içinde tanzîm olunacak olan her dürlü mukâvele senedâtında isti'mâl olunan atîk mikyâsların yeni mikyâslara tahvîliyle işbu yeni mikyâsların dahi derci mecbûrî olacak ve bu müddet zarfında akd olunup icrâsı doksan senesi Martından sonraya mu'allak olan mukâvele senedâtında evzân ve ekyâl-i atîkanın derci câiz olamayacakdır.

On Birinci Madde
Doksan senesi Martından i'tibâren memâlik-i Osmâniyede cedîd mikyâsların isti'mâli alel-umûm mecbûrî olup evzân ve ekyâl ve mesâhât-ı atîka külliyen memnû' olacakdır.

On İkinci Madde
Eski mikyâsların yenilere ve yenilerin eskilere nisbetle olan fark ve tefâvütlerini müş'ir cedveller (*) tanzîm ile şimdiden tab' ve neşr olunacakdır.

***

(*) Mezkûr cedvel işbu nizâmnâmenin âhirine rabt kılınmışdır.
94
L