752

Otuz birinci madde: Evzan me’murlarının tahkik ve zahire ihrac etdikleri mugayir-i nizam harekâtı hatt-ı destleriyle tahrir ve imza edip nihayet yirmi dört saat zarfında hükûmet-i mahalliyeye takdim edeceklerdir.

( Fasl-ı Râbi‘ )
( Mücâzât beyanındadır )

Otuz ikinci madde: Fî 20 Cemaziye’l-âhır sene 286 ve 14 Eylül sene 285 tarihiyle müverrah olarak neşr ve ilân kılınmış olan evzan kânunnâme-i hümâyûnunun onuncu ve on birinci maddeleri ahkâmına mugayir her nevi ilânât ve senedât ve defâtir tanzim edenler ve evzan ve ekyâl ve mesâhât isti‘mâl eyleyenler haklarında cezâ kânunnâme-i hümâyûnunun iki yüz altmış ikinci maddesi hükmünce mücâzât olunur.

Otuz üçüncü madde: Madde-i sâbıkada beyan olunan her nevi ilânât ve senedât ve defâtirin mugayir-i kânun olarak tanzim olunmasından dolayı hükm olunacak cezâ-yı nakdîler ahz ve istifâ olunmadıkça işbu evrak mehâkim ve mecâlisde mu‘teber tutulmayacaktır.

Otuz dördüncü madde: Mağaza ve dükkan ve fabrikalarında ve panayır ve pazar sergilerinde mikyâsât-ı a‘şâriyeden olub da damgalanmamış tartı ve ölçü bulunan tüccar ve esnaf ve ehl-i sanayi bunları isti‘mâl edenler misillü cezâ kânunnâme-i hümâyûnunun kezalik iki yüz altmış ikinci maddesi hükmünce mücâzât olunur.

Otuz beşinci madde: Mikyâsât-ı cedîdeye vaz‘ olunacak tatbik ve muâyene damgalarını taklid edenler ve bu makûle sahte damgalı mikyâsât isti‘mâl eyleyenler haklarında cezâ kânunnâme-i hümâyûnunun yüz ellinci maddesi hükmüne tevfîkan mücâzât olunur.

( Fasl-ı Hâmis )
( Tatbik ve muâyene damgalarından alınacak resme dâirdir )

Otuz altıncı madde: Mikyâsât-ı cedîdenin tatbik ve muâyenesinde istifâsı lâzım gelen rüsûmât âtide beyan ve tahrir edilecek ta‘rifeye tatbîkan ahz olunur.

Otuz