76

Müdevver ve sâ’ir başka timur evzânın şekilleri dahi bir nâkıs ehrâm-ı müseddes olmak ve cümlesinin üstünde dökme timurdan ma‘mûl birer halka ve bu halkayı vezne rabt iden ve ucları veznin derûnuna yerleşdirilmiş olan çivi kuvvetli ve iyi dökülmüş timurdan bulunmak ve her veznin üzerinde mikdâr-ı sıkli okunaklı olarak muharrer oldukdan başka âmilinin dahi isim veyâ alâmeti ayâr içün veznin altında bulunacak kurşunun üzerinde mevzû‘ olması iktizâ eder.

Elli dördüncü mâdde — Pirinçden ma‘mûl tertîb olunan veznler zîrde murakkam olduğu vechle on dört aded olub 20 vukıyye (kilo) dan 1 dirheme (grama) kadardır ve cümlesinin şekli bâlâsı bir dökmeli ve kutrı irtifâ‘ına müsâvî ustuvânedir ve dökmenin irtifâ‘ı dahi mezkûr kutrun nısfı kadardır isim ve mikdârları ustuvânenin kâ‘ide-i ulyâsı sathına veyâ dökmenin tepesine okunaklı ve temiz hakk ve tahrîr olunur fakat iki dirhem (gram) ile bir dirhem (gram) veznlerin isimlerinin tahrîrine mahal bulunmak içün kutrları irtifâ‘larından ziyâdece olur ve bunlardan başka dahi her veznde âmilinin isim veyâ alâmeti bulunur.

20 Vukıyye (Kilo) | 100 Dirhem (Gram)
10 Vukıyye (Kilo) | 50 Dirhem (Gram)
05 Vukıyye (Kilo) | 20 Dirhem (Gram)
02 Vukıyye (Kilo) | 10 Dirhem (Gram)
01 Vukıyye (Kilo) | 05 Dirhem (Gram)
500 Dirhem (Gram) | 02 Dirhem (Gram)
200 Dirhem (Gram) | 01 Dirhem (Gram)

Elli beşinci mâdde — Kezâlik pirinçden ma‘mûl ve derûnları mücevvef ve mahrût-ı nâkıs şeklinde ve birbirinin derûnuna vaz‘ olunacak sûretde evzân i‘mâl ve isti‘mâli dahi câ’izdir evzân-ı mezkûrenin cümlesine zarf olmak ve kendisi dahi bir vezn nizâmında bulunmak üzere kezâlik pirinçden ma‘mûl kapaklı bir kutu...
derûnuna