769

ideceği ebniyenin kâimâ dikeceği kıymetde ekseriyetin hükmü üzerine meclis-i
memleket maslahatı tesviye edecek ve bu dört kimesne beynlerinde müttefikan yahud
ekseriyet ile uyuşamadıkları halde bunlar dördünün re'yiyle cümlesinin itimad
ettikleri âhar bir âdemi hakem intihab edip anın re'y ve hükmü ne suretde
olur ise cümle tarafından kabul olunacaktır

Sekizinci bend: Ashab-ı alakanın her istedikleri zaman müstecirleri çiftliklerinden
çıkarmağa salahiyeti olmayacaktır ancak müstecir çiftliğin arazisinde çalışmayıp
bilâ-özr-i şer'i işi tatil ederek sahib-i çiftliği menfaatinden mahrum eder
yahud başka suretle zarar ve hasarına sebeb olur veyahud sahib-i alakaya
vereceği hisseyi bilâ-özr-i kavi vermeyerek eza ve muhalefet ve'l-hasıl beynlerinde
mün'akid olan kontrato ahkâmına mugayir hareket eder ise sahib-i alaka
canib-i hükümete müracaat ve iştikâ edip keyfiyetin makrun-ı sıhhat olduğu
hükümet nezdinde ilmen ve delâil-i kaviye ile tahakkuk ettiği ve müstecirin ıslah-ı hali
mümkün olamadığı halde hükümet marifetiyle ol çiftlikden ihrac olunacaktır
ve bulundukları çiftlikleri kendi istekleri ile terk edecek olan müstecirlerin
dahi keyfiyeti harman hitamında ashab-ı alakaya haber vermeleri lazımeden olmağla
vaktile haber vermeksizin vakitsiz bir çiftliği terk eden müstecir dahi ol
hareketinden sahib-i alakaya terettüb edecek mazarratı hükümet marifetiyle
tazmine mecbur olacaktır

Dokuzuncu bend: Ashab-ı alakanın çiftlikleri hasılatından kendilerine
aid olan hisseyi iltizama vermeleri külliyen ve kat'iyen memnu olmağla bu misillü
hareketde bulunan sahib-i alaka hükümet tarafından men' ve muaheze olunacaktır

Onuncu bend: Ashab-ı alaka ba'zı mevsimlerde çiftliklerine gitdiklerinde
müstecirleri ikamet ettikleri hanelerinden ihrac ile kendileri oturmak
ve anlardan meccanen yem ve yiyecek taleb ve ahz eylemek maddeleri ba'dezin külliyen
memnudur

On birinci bend: Ashab-ı alakadan ba'zıları işlive ta'bir olunan erikden
olan hisselerini arak çekdikden sonra ahz etmekde olup halbuki

97
L