784

komşusuna sebebinin tahrir ve tasrihiyle beraber zirlerini imza ve temhir ettirecektir

On yedinci madde Ihzar olunacak şahıs tebaa-i ecnebiyeden olduğu halde
ihzar pusulası mensub olduğu sefaret konsolosu veyahut tercümanı
vasıtasıyla tebliğ ve i'ta olunmak lazım gelir ve mübaşirin yedinde kalacak diğer
nüshası dahi mumaileyhimden birisine gösterilmiş olduğu müş'ir imza
ettirilecektir

On sekizinci madde Geçen altı maddede muharrer şerâite tamamıyla riayet olunmadığı
halde tebliğ hususu keenlemyekün hükmünde addolunur

On dokuzuncu madde Mübaşirin kusurundan nâşi ihzar pusulasının
itibarından sukutuna hükmolunduğu halde mübaşir iptal olunan pusula
ve muhakeme masraflarının i'tasına ve iktiza eder ise tarafın vâki olan
zarar ve ziyanlarının tazminine mahkum olabilir icabına göre memuriyetinden
dahi tard olunabilir

Yirminci madde Ihzar pusulası mahkeme-i ticarette ihzar olunacak olan
evvela bir idare-i emiriye veyahut belediye ise merkez idareleri mahallinde ikametgâhları
addolunan kalemlerine ve baş memuru yedine ve merkez idare olmayan mahallerde
muayyen memurlarının kendilerine veyahut kalemlerine
Saniyen ticaret şirketleri ise bâki oldukça ikametgâhlarında müdürleri
ve müdürleri olmadığı halde şeriklerden birisi yedine veyahut ikametgâhına
Salisen iflası hali veyahut ashâb-ı matlubun heyet-i mecmuası ise
sendikler yani vekiller yedine veyahut ikametgâhlarına tebliğ ve i'ta olunur
Rabian ihzar olunacak kimsenin memâlik-i mahrûsada malum bir ikametgâhları
veyahut mahal-i süknâları olmadığı halde ihzar pusulası mahkeme reisinin
emriyle dâvanın havale olunduğu mahkeme-i ticaret dîvânhânesine tâlik
ve bir sureti dahi gazetelere ve bahusus ihzar olunacak kimsenin kendi
lisanı üzere tab' olunan gazeteye derc ile ilân kılınır
Hamisen ihzar olunacak kimse mahkeme-i ticaret dâire-i hükmü haricinde
bir mahalde