789

ve ta'yîn olunur şu kadar ki ihtilâf-ı ârâ vukuunda bu reylerin her birleri esbâb ve ilelleri ile berâber mezkûr raportoda veyâhud dîger bir rapor taviyyle beyân olunacakdır

Otuz dokuzuncu madde Komisyon raportosu mahkemenin kalem odasına verilir reîs-i meclis tarafından ta'yîn olunacak günde tarafeyn hâzır oldukları veyâ usûlü vechle çağırılıp gelmedikleri hâlde lede'l-kırâe olunacak ifâdât ve i'tirâzât üzerine meclisçe bi'l-müzâkere tasdîk veyâhud ta'dîl olunur fakat münâza'a-i vâkı'ayı hüküm sıfatıyla rü'yet etmeleri zımnında tarafından kompromiso senedi ile komisyon a'zâsına me'zûniyet verilmiş ise ol hâlde hakemlerin karârnâmeleri hakkında fasl-ı mahsûsunda mestûr ahkâma tatbîkan hareket olunur

Kırkıncı madde Mahkeme-i Ticâret raporto ahkâmının cümlesini veyâ ba'zısını adem-i tasdîk ile münâza'a-i vâkı'anın meclisçe fasliçün raporda îzâhât-ı kâfiye göremediği takdîrde tarafeynden talep olunmasa bile müceddeden bir komisyon teşkîline karâr verebilür ve işbu komisyon dahi lüzûm göreceği îzâhâtı sâbık komisyon a'zâsına suâl etmeğe muktedirdir

Kırk birinci madde Komisyon a'zâsının intihâbında tarafeynin imtinâ' veyâ adem-i ittifâkları takdîrinde Mahkeme-i Ticâret tarafından intihâb ve nasb olunur

Kırk ikinci madde Ahad-i tarafeynden birinin mahkeme a'zâsından birini reddedebilmek hakkında fasl-ı mahsûsunda beyân olunacak esbâb-ı kânûniye komisyon a'zâsından birinin reddi hakkında dahi cârî olur şu kadar ki işbu red maddesi a'zâ-yı mezkûrenin nasbı târîhinden üç gün zarfında Mahkeme-i Ticâret'e arz ve teklîf olunmak lâzım gelür (*)

Kırk üçüncü madde Komisyon a'zâsı me'mûriyetlerini bir kere kabûl etdikden sonra mahkeme tarafından tasdîk ve kabûl olunacak mevâni'-i kaviye vâkı' olmadıkça me'mûriyetlerini terk edemez

____________________
(*) Tarafeynden biri a'zâyı reddetmek lafzı reddolunan a'zânın muhâkemede bulunmaması ve re'y dahi vermemesi hakkında isti'mâl olunur