805

Asıl iddia olunan akçe mukabilinde akçe takas ve mahsub ettirmek iddiası veyahut iddia-yı asliyi cerh ve ibtal veyahut teyid edecek delail-i cedide ibrazı ve derece-i ulada terettüb eden hükümden sonra asıl müddeabihin işlemiş olan güzeşte ve icar ve buna müteferri olacak masarif ile hükm-ü mezkûrdan sonra vuku bulacak zarar ve ziyan iddiaları makbul olacaktır.

Yüz on dördüncü madde: Tarafından başka hiç kimsenin davacı sıfatıyla istinafa duhulü caiz olamaz. Fakat istinaf olunan hüküm aleyhine itirazü’l-gayr hususuna nizamen hakkı olan üçüncü kimseler istinafa duhalet edebilir.

Yüz on beşinci madde: Müstantif üç sene davasını aramayıp da müstantif aleyhin istidası üzerine fasl-ı mahsusunda beyan olunacağı vechle istinaf davasının artık keenlemyekün hükmünde tutulmasına karar verildiği halde ticaret mahkemesinin hükmü suret-i katiyede verilmiş addolunacaktır.

Yüz on altıncı madde: Muhakemat hakkında mehakim-i ticarette cari olan usul ve kavaid-i saire divan-ı istinafta dahi aynen meri olacaktır.

Yüz on yedinci madde: Eğer istinaf davası usul ve kaidesine tevfikan icra olunup da zâten bî-esas olduğu tebeyyün eder ise reddolunup mahkeme-i ticaretin hüküm ve kararı tasdik olunacaktır. Ve bilakis istinaf hususu haklı olduğu tahakkuk ettiği takdirde mahkeme-i ticaretin ilamı fesholunup haksız olduğu tebeyyün eden maddeleri ıslah kılınacaktır.

Yüz on sekizinci madde: İstinaf davası bir karar-ı karine aleyhine vaki olup da işbu kararı divan-ı istinaf feshederek esnâ-yı muhakemede dava-yı mezkûra hükm-ü katî derecesine gelmiş olduğunu görüyor ise asıl davayı dahi beraberce kat’iyyen hükmedebilecektir. Kezalik kanun ve usul-i daaviye adem-i riayetle yapılmış olan mehakim-i ticaret hükümlerini divan-ı istinaf feshedip yeniden rüyet-i dava edebilecektir.

Yüz on dokuzuncu madde: Emr-i istinafta tarafından her hangisi haksız