826

( Dersaadet Ticaret Mahakiminin Aza Mülazımlarına )
( Dair Nizamnamedir )

Birinci Bend: Dersaadet Mahakim-i Ticaretine Ticaret Nezaret-i Celilesi marifetiyle ve her mahkemede üç neferden ziyade olmamak şartıyla aza mülazımları tayin kılınacaktır.

İkinci Bend: Mülazımların Fransız lisanına aşina olması meşruttur. Fakat ilk sene intihab olunanların yalnız Türkçe lisanı bilmeleri kâfi addolunacaktır.

Üçüncü Bend: Tebaa-i Devlet-i Aliyye’den olmayanlar mülazemete kabul olunmayacaktır.

Dördüncü Bend: Mülazımların müddet-i memuriyetleri iki sene olacak ve bunlar işbu iki sene müddetde evvelâ mensub oldukları mahkemelerde memuriyetlerine, saniyen Ticaret Nezareti veyahud mensub oldukları mahkeme riyaseti tarafından memur olacakları umura, salisen tahsis olunacak kavanin-i ticaret ve hukuk derslerine devam eylemekle, rabian beher sene ahirinde atide zikr olunacak suretde imtihan vermeye mecbur olacakdır.

Beşinci Bend: Mülazımların mahakim-i ticaretde mahsus yerleri olub bunlar hiç bir vakitde söz söylemeğe ve bahs ve müzakere olunan mesaile rey vermeye muktedir olamamak şartıyla cereyan eden kâffe-i daavi ve müzakerat ve muhakematı istima edeceklerdir.

Altıncı Bend: Mülazımların bulundukları mahkeme riyaseti tarafından bir davanın hulasası veyahud tetkik gibi memur olacakları maslahat mahkemeye konuldukda yalnız o maslahat içün riyaset tarafından vuku bulacak suale cevab verecek ve mahkemece reyine müracaat olunur ise beyan-ı rey dahi edebilecekdir.

Yedinci Bend: Mülazımların müdavemet edecekleri masalih ile hukuk derslerinin vakitleri ol babda tanzim olunacak cetvelde tayin olunacaktır.

Sekizinci Bend: Mezkûr cetvelin tanzimine değin mülazımlar bir sene nihayetinde...

( Ticaret )