830

Yazılan i'lamatda meblağ-ı mahkûm bihin yüzde iki hesabiyle harcı elli guruşdan aşağı tutacağı anlaşıldıkda teb'adan bulunanlara verilecek i'lamat içün el-aşağı harç elli guruş olduğundan artık meblağ-ı mahkûm bih bakılmayarak elli guruş ve eğerçe i'lamı alacak olan ecnebi ise yüzde bir hesabiyle her kaç guruş tutar ise ol mikdar harç alınır.

Vuku'bulan müsted'iyat üzerine verilecek i'lamat kaydı içün ale'l-umum ellişer ve temgalu kâğıd baha olarak başkaca otuz guruş alınır.

Yemin tezkereleriyle mümeyyizlere yazılmakda olan tezakir içün yirmişer guruş harç ahz idilür.

İ'lam yazılmağa mahsus olan temgalu kâğıd içün varaka-i nisbiye hesabiyle i'lam alacak olan tarafdan esmanı kaç guruş ise alınır.

Müddeî ve müddeâ aleyhe gönderilmekde olan da'vet pusulalarının beher içün yüzer para alınır.

İflas maddeleriçün verilen i'lamatdan meblağ-ı mahkûm bih her kaç guruş ise yüzde beş hesabiyle harç i'lam alınır.

Desturun cild-i evveli tekmil olmuşdur.