88

Ve nakli haml ve mü’netine muhtaç olan şeylerde her nerede teslimi şart
kılınmış ise orada ifa olunmak lâzım gelir
ve mekân-ı ifa beyan olunmadığı takdirde me’cur eğer akar ise ol akarın
olduğu mahalde ve eğer amel ise ecirin ameli ifa ettiği yerde ve eğer hamule
ise ücretin lâzım olduğu mekânda ifası lâzım gelir
amma haml ve mü’neti olmayan şeylerde dilediği yerde alır

( Fasl-ı Sâni )

( Ücretin sebeb-i lüzumuna ve ecirin ücrete keyfiyet-i istihkakına )
( Dair olan mesail beyanındadır )

٤٦٦ madde: Akd-i mutlak ile ücret lâzım olmaz
yani mücerred icare mün’akid olduğu gibi heman bedel-i icarenin teslimi lâzım gelmez

٤٦٧ madde: Ta’cil ile ücret lâzım olur
yani müste’cir ber-vech-i peşin ücreti teslim etse ecir ana malik olup
ba’dehu müste’cir anı istirdad edemez

٤٦٨ madde: Şart-ı ta’cil ile ücret lâzım olur
yani bedel-i icarenin ber-vech-i peşin verilmesi şart kılındıkda akd-i icare
gerek menafi-i a’yan üzerine varid olsun ve gerek amel üzerine
varid olsun her halde müste’cirin ol emrde bedel-i icareyi teslim etmesi
lâzım gelir
ve evvelki suretde ecir ücreti istifa edinceye dek me’curu teslimden
ve ikinci suretde ecir ücreti istifa edinceye dek amelden imtina edebilir
ve iki suretde dahi ecirin ber-vech-i peşin ücreti mutalebe ile müste’cir
ifadan imtina eder ise fesh-i icareye hakkı vardır

٤٦٩ madde: İstifa-yı menfaat ile ücret lâzım olur
meselâ bir mahalle gitmek üzere isticar olunan bargire rükub ile oraya varıldıkda
eciri ücrete müstahak olur

٤٧٠ madde: İcare-i sahihada istifa-yı menfaate iktidar ile dahi ücret
lâzım olur

Meselâ