90

Meselâ hammâm ta'mîre muhtâc olubda ta'mîri esnâsında bir müddet mu'attal kalsa ol müddetin ücretden hissesi sâkıt olur.
Kezâlik değirmenin suyu kesilibde mu'attal kalsa suyun inkıtâ'ı vaktinden i'tibâren ücret sâkıt olur.
Fakat müste'cir un öğütmekden gayrı bir sûretle ol değirmenin evinden intifâ' etdikde bedel-i îcâreden ana isâbet eden hisseyi vermesi lâzım gelir.

479 Madde Bir kimse bir dükkân isti'câr ve kabz etmişiken bir müddet ahz ve i'tâya kesâd ârız olmağla san'at işlenmedi ve dükkân kapalı kaldı deyu ol müddetin kirâsını i'tâdan imtinâ' edemez.

480 Madde Müddet üzerine bir kayık isti'câr olunubda esnâ-yı râhda müddet munkazî olsa sâhile yanaşıncaya dek îcâre mümted olur. Ve müste'cir fazla olan müddetin ecr-i mislini verir.

481 Madde Bir kimse hânesini dîger kimesneye meremmet etmek ve bilâ-ücret sâkin olmak üzere verse ve o dahi kendi tarafından meremmet ederek bir müddet sâkin olsa âriyet kabîlinden olmağla masârif-i ta'mîriye ol kimesneye âid olur. Ve sâhib-i hâne dahi andan ol müddet içün ücret nâmına bir şey alamaz.

( Fasl-ı Sâlis )
( Ücret içün ecîrin müste'cer fîhi habs )
( edib edememesi hakkındadır )

482 Madde Terzi ve boyacı ve çamaşûy gibi amelinde eser olan ecîrin veresiye mukâvele olunmamış ise ücret içün yedinde müste'cer fîhi habs etmeğe salâhiyeti vardır.
Ve bu vechle habs edibde ol mâl telef olsa zâmin olmaz. Fakat ücret dahi alamaz.

483 Madde Hammâl ve mellâh gibi amelde eser olmayan ecîrin ücret içün müste'cer fîhi habs etmeğe salâhiyeti yokdur.
Ve bu hâlde habs edibde yedinde ol mâl telef olsa zâmin olur.

ve mâl