148

ve işbu üç ayda bir kere irsal olunacak defterden maada beher sene ibtidasında
kâffe-i makbuzat ve medfuat ve irsalat ve bakayanın miktar-ı sahihini cami
olarak zîri mazbatalı bir kıt'a muhasebe defteri tanzim kılınıp beher hal
hazineye irsal olunacaktır ve işbu defterlerin ayni mahalli meclisleri ceridelerine
kaydıyla zîrleri evkaf müdiri ve sair azay-ı meclis tarafından temhir kılınacaktır

Dördüncü Bend

Üçüncü bendde muharrer olduğu üzere üç mahda bir defa
gönderilecek defterin haricinde hiç bir hisab bırakılmayarak üç ayda bir miktar
hasılat olur ise mutlaka zikr olunan defter ile beraber gönderilip evvel
veya sonra gönderilmeyecektir gerek işbu üç ayda bir gönderilecek varidat
ve masarifat defterleri ve gerek varidat ve masarifatı cami olarak senede
bir kere gönderilecek muhasebe defterleri hazineden gönderilecek numune üzerine
tatbikan tanzim olunacaktır

Beşinci Bend

Zikr olunan yevmiye defterinden maada Evkaf Müdirleri zîr idarelerinde
bulunan mahallerde vaki kâffe-i evkaf-ı mazbûtaya başka ve mülhakaya başka olarak
kezalik hazineden gönderilecek numuneye tatbikan ikişer defter tutup
beher vakfın enva-ı varidatını ve her dürlü masarifat-ı mukarrere-i sahihasını
ve mürtezikasının isimlerini ve mutasarrıf oldukları cihetleriyle varidatı
müsakkafatdan ise nemakule ve kaç aded bulunduğunu ve iradı aşar ise karye
ve mezraalarının esami ve hasılat-ı seneviye ve masarifat-ı vakıasını ve kâffesinin
esamisi altı sırasıyla hiç bir vakıf geriye bırakılmayarak kayd edildikten sonra
bu defterlerin bir nüshası icabında müracaat olunmak ve esas ittihaz kılınmak üzere
mahalli meclisinde hıfz olunup diğer bir nüshası hazineye gönderilecektir

Altıncı Bend

Evkaf Müdirleri hazineden ruhsatı havi suret veyahut berat
olmadıkça kâtip maaşı veyahut me'zuniyet haricinde masarif saire olarak
hiç bir suretle akçe sarfına me'zun olamayacak ve şayet öyle hodbehod
akçe sarf olunur ise kabul olunmayacak ve akçe sarfına dair olan şeylerin
* cümlesi *