196

dahi Sultaniye şubesine veyahut İdadiye muallimliğine çıkmakda muhayyerdirler.

Altmış İkinci Madde : Darülmualliminden bil-imtihan çıkmış olan talebe sınıfına göre muvazzaf olarak mekatib-i umumiyede tayin olunacakları muallimlik memuriyetini kabule mecburdur.

Altmış Üçüncü Madde : Darülmualliminde tahsil etmiş olan muallimlerin mekatib-i umumiyeye muallim olmak içün sairlerine hakk-ı rüchanı olacakdır.

Altmış Dördüncü Madde : Mekatib-i umumiyede la-akal beş sene bir özr-i kaviye müstenid olmayarak muallimlik etmeksizin terk-i hizmet isteyenlerden Darülmualliminde esnay-ı tahsilde almış oldukları maaş istirdad olunacak ve o makuleler mekatib-i umumiye muallimliğinde istihdam içün zâten haiz oldukları hakk-ı rüchandan mahrum olacaklardır.

Altmış Beşinci Madde : Müddet-i muayyene-i tahsiliyesini ikmal etmeksizin bulunduğu şube derslerinden imtihan olmak caiz olup isbat-ı liyakat eden muallimliğe kabul kılınacakdır.

Altmış Altıncı Madde : Darülmuallimin-i Sıbyan dahi Büyük Darülmuallimin’in müteferriatından olacak ve müdürünün taht-ı nezaret-i mahsusasında bulunacakdır.

Altmış Yedinci Madde : Darülmuallimin’in bir muntazam kütüphane ve numunehanesi olacağı gibi hikmet-i tabiiye ve kimyaya müteallik âlât ve edevat-ı muktaziyesi dahi mükemmel olacakdır.

( Darülmuallimat )

Altmış Sekizinci Madde : Kız mekatib-i sıbyaniye ve rüşdiyesine muallimeler yetiştirmek üzere Dersaadet’de bir Darülmuallimat tesis olunup sıbyan ve rüşdiye namiyle iki şubeye ve her şube dahi biri İslam ve diğeri sunuf-ı gayr-i müslime mekatib-i rüşdiyesiçün yetiştirilecek muallimelere mahsus olmak üzere ikişer daireye taksim kılınacakdır.

Altmış Dokuzuncu Madde : Sıbyan şubesinin müddet-i tahsiliyesi iki sene olup zirde muharrer dersler cetvel-i mahsusunda gösterildiği üzere talim edilecekdir.

Mebadi-i ulum-ı diniye . ( Etfal-i gayr-i müslimatın ulum-ı diniye dersleri mevad-ı muhtelife-i sabıkada * )