210

Maarife müteallik bir memuriyet-i mahsusa havale olunduğu halde anı dahi
göreceklerdir.
Yüz elli birinci madde Dahil-i vilayette bulunan mekatib muallimlerinin ledü'l-hace
mercii muhakkik veyahud müfettişler ise de bunlar bulunmadıkları zamanlarda mekatib-i
sıbyan hocaları mesafenin kurbiyet ve bu'diyetine göre rüşdiye veyahud idadiye
muallimlerine ve rüşdiye hocaları dahi idadiye muallimlerine veyahud doğrudan
doğruya müfettişlere ve müfettişler dahi icab-ı maslahata göre mutasarrıf-ı livaya veyahud
vilayet meclis-i maarifine müracaat edeceklerdir.
Yüz elli ikinci madde Vilayet meclis-i maarifleri kâffe-i hususda vali-i vilayete
müracaat eyleyecekleri gibi icabına göre doğrudan doğruya
Maarif Nezaret-i Celilesine dahi müracaat edebileceklerdir.
( Bab-ı Salis )
( İmtihanlara ve şehadetname ve ruuslara ve bunların )
( İmtiyazatına dairdir )
Yüz elli üçüncü madde Mekatib-i umumiye imtihanları üç nev'dir birincisi sınıf
imtihanıdır ki beher sene mekatib talebesinin bir sınıftan diğer sınıfa nakli
zamanında icra kılınır ikincisi mekteb imtihanıdır ki bir mektebin hitam-ı müddet-i
tahsiliyesinde icra olunur üçüncüsü ruus imtihanıdır ki tafsili atide
beyan kılınır.
Yüz elli dördüncü madde Nev-i evvel imtihanları mekatib-i sıbyaniye için her karye
veya mahallenin ihtiyar meclisi huzurunda hocaları marifetiyle icra olunur
ve rüşdiye ve idadiye mektebleri imtihanları dahi rüşdiye mektebleri için
idadiye mekteblerinin ve idadiye mektebleri için sultaniye mekteblerinin muallim
evvellerinden birer nefer zat ile memleketin ehl-i maarifinden münasib zevat huzurunda
icra kılınacak ve idadiye ve sultaniye mektebleri olmayan yerlerde kendi
hocalarının ve memleketin erbab-ı maarifinin huzuriyle iktifa olunacaktır
ve idadiye mekteblerinin imtihanında mümkün olduğu halde maarif heyetinden
bir muhakkik bulundurulacaktır ve mekatib-i sultaniye sınıf imtihanları taşralarca
meclis-i maarif heyeti ve Dersaadetçe Meclis-i Kebir-i Maarifin baz-ı azasıyla
Dar