217

Yüz seksen yedinci madde: Ceza kanunname-i hümayunu mucibince hukuk-ı medeniyeden iskat-ı cezasıyla mahkumiyetlerini istilzam eden cinayatı mürtekip olan muallimin rüusu istirdad olunur.

Yüz seksen sekizinci madde: İmtihanlarda mümeyyiz tayin olunan muallimlere müddet-i imtihaniye içün maaşlarından maada bir mikdar atiye dahi verilecektir.

Yüz seksen dokuzuncu madde: Rüşdiye ve idadiye muallimleri ders günlerinin maadasında istedikleri halde umumi veyahud hususi ders vermeğe mezundurlar.

Yüz doksanıncı madde: Mekatib-i umumiye muallimleri tekaüd hakkında devletçe vaz olunacak nizam-ı umuminin tayin edeceği şerâite göre tekaüd olunabilecektir.

Yüz doksan birinci madde: Maarif memurlarıyle mekatib-i umumiye muallimlerinden nizamen tekaüde müstahak olanlara ve vefat edenlerin eytam ve müteallıkatına verilecek maaşlar tekaüd nizamname-i umumisinin ahkamına göre tayin olunacaktır.

( Bab-ı Hâmis )
( Umur-ı Maliyeye Dairdir )

Yüz doksan ikinci madde: Maarif idare-i umumiyesinin varidatı zîrde beyan olunacağı vechile tahsisat-ı miriye ve ahalinin verecekleri iane-i seneviye ve tahsisat-ı vakfiye ve iânât-ı müteferrikadan ve mekatib-i sultaniye ve aliye talebesinden alınan ücretlerden ve mücazat-ı nakdiyeden ibarettir.

Yüz doksan üçüncü madde: Dersaadet'in mekatib-i rüşdiye ve idadiye ve meclis-i maarifi büdcesi her sene meclis-i maarif heyet-i umumiyesinde kararlaştırıldıktan ve şura-yı devletde tasdik edildikten sonra şeref-sunuh buyurulacak irade-i seniye mucibince ahalinin verecekleri iane daire-i belediyeler vasıtasıyla tahsil ve maarif merkez sandığına teslim olunur ve hazine-i celileden ita kılınacak mebaliğ dahi mezkur sandığa tediye olunur.

Yüz doksan dördüncü madde: Vilayatın mekatib-i rüşdiye ve idadiye ve meclis-i maarifi büdcesi dahi vilayet meclis-i maarifinden bittanzim meclis-i umumide tasdik

28