219

Yüz doksan sekizinci madde sıbyan mekteblerinin muallim maaşları ve mesârif-i
sâiresi cemâatleri tarafından tesviye ve te’diye olunmak mukarrer olduğundan
her sıbyan mektebinin gerek aynî eşyâ ve erzak ve gerek nakd olarak verilecek
muhassasâtının bir seneliği mahallerine göre dokuz yüz ve altı yüz kuruşdan
aşağı olmayacakdır işbu tahsîsât şehriyeye veyâ mahallerince münâsib
görülecek zamanlara taksim olunarak mektebin vakfı var ise andan ve olmadığı
veyâhud olub da kifâyet etmediği hâlde ol mektebin mensûb olduğu
cemâatin kudret-i mâliye ashâbı taraflarından iâne verilecek ve yetişmez ise
noksânı mahallece ve karyece tevzî’ ve istihsâl kılınacakdır

Fî 24 Cemâziye’l-evvel sene 1286