223

Gönderilen cevabı derc etmediği halde kezalik iki altundan yirmi beşe kadar cezay-ı nakdi ahz olunup mucib-i teşekki olan bendin neşrinden dolayı terettüb edecek mücazat ve tazminat dahi başkaca hükm olunur.

On üçüncü madde — Ceza Kanunname-i Hümayunu’nun ikinci faslında beyan olunduğu vechile Devlet-i Aliyye’nin emniyet-i dahiliyesini ve memalik-i mahrusenin asayişini ihlal edecek cinayet veyahut cünhalardan birinin icrasına her kim bir gazete vasıtasıyla bazı eşhası tahrik ve iğva eder ise müşterek-i cinayet add olunarak eşhas-ı merkumenin derece-i cünha ve cinayetlerine göre haklarında terettüb edecek mücazata ol kimesne ve gazeteci beraberce müstahak olacaklardır ve ol gazete dahi hükümet marifetiyle muvakkaten veyahut kat’iyyen tatil ettirilecektir.

On dördüncü madde — Her kangı gazeteci adab-ı umumiye ve mehasin-i ahlak-ı milliyeye mugayir bir şey yazar veya edyan ve mezahib-i cariyeden birine gazete vasıtasıyla hakaret eder ise bir yüzlük altundan yirmi beş yüzlük altuna kadar cezay-ı nakdi alınır veyahut bir haftadan üç mahe kadar habs olunur.

On beşinci madde — Bir gazeteci saltanat-ı seniye ve hanedan-ı şevket-nişan-ı hazret-i padişahi haklarında elfaz ve tabirat-ı gayr-ı layıka istimal eder veya hükümet-i seniye-i hazret-i padişahi aleyhine taarruz eyler ise altı aydan üç seneye kadar habs veyahut yirmi beş altundan yüz elli altuna kadar cezay-ı nakdi ahz kılınır.

On altıncı madde — Vükela-yı saltanat-ı seniyeye veyahut memalik-i mümtaze reislerine dokunacak söz yazan olur ise bir aydan bir seneye kadar habs veyahut beş altundan elli altuna kadar cezay-ı nakdi ahz olunur.

On yedinci madde — Devlet-i Aliyye’nin dost ve müttefiki bulunan hükümdarana dokunur elfaz ve tabirat istimal olunur ise üç mahden üç seneye kadar habs veya on beş altundan yüz altuna kadar cezay-ı nakdi ahz olunur.

On sekizinci madde — Bir zat veyahut bir heyetin ef’al-i mahsusası beyanıyla hetk-i namusunu veya kesr-i itibarını mucib olacak neşriyata zem ve ef’al-i mahsusa...