240

İki kavs içine yazılacakdır muzaf ve mef'ûlün leh ve mef'ûlün bih ve saire için
dahi bu yolda misaller getirilecekdir işbu nümûnelere tevfîkan diğer münâsib
misaller tertîb kılınacak ve hulâsa-i risâle matlûba az kâide ve çok misâli
müştemil olacakdır çünki misallerin taaddüdü kavâidin tahsîlini teshîl
etdikden başka bu vesîle ile isti'mâl olunacak kelimâtın imlâ ve ma'nâları
dahi öğrenilir

İşbu risâle lisan-ı Türkî kavâidine mahsûs olacağından gerek Arabî ve gerek
Fârisî'den Türkî lisânında isti'mâli ziyâde şâyi' ve bilinmesi lâbüd olan kavâid
dahi ayrıca tertîb ve bâlâda gösterilen nümûnelere tevfîkan misallerle tavzîh
olunarak zeyl olmak üzere risâlenin âhirine ilâve kılınacakdır
Arabî fiillerden Türkçe'de müsta'mel olan sîgaları şâmil olmak üzere
bir takım cedveller tertîb olunup bunların ma'nâları ve ba'zı tenbîhât ilâve
olunacak ve işbu fiiller yalnız ef'âl-i sahîha olup mu'telât yazılmayacakdır

İşbu risâleye cüz'-i sânî olmak üzere derûnunda münderic kavâide tatbîkan imlâ
risâlesi dahi tertîb kılınacakdır şâkird muallimin muâvenetiyle kendi lisân-ı
mâderzâdının kavâid-i külliyesini kolaylıkla öğrenmek için işbu risâle iktizâ
eden her dürlü mevâddı şâmil olacakdır lisânın kavâid-i hikmiye ve müşkilesini
beyândan ziyâdesiyle ictinâb olunup çünki alel-umûm kavâid
kitâblarının tedrîsini tas'îb eden ba'zı ma'lûmât-ı dakîka
ve cüz'iyyeyi öğrenmeksizin lisân tahsîl olunabilir vücûdunda ittihâz
olunan usûl her ne kadar memleketimizde alel-umûm müsta'mel olan usûle mugâyir
görünür ise de memâlik-i sâirede bunun kavâid ve muhassenâtı bil-tecrübe anlaşılmışdır
îrâd olunacak misallerin en mu'teber münşîler âsârından intihâb olunması iktizâ edeceği
dahi ihtâr olunur

İşbu kavâid risâlesi lâ-akal yüz elli ve imlâ risâlesi yüz sahîfeden
ibâret olacak ve bunlardan birinci derecede bulunana on iki bin
ve ikinci derecede bulunana sekiz bin kuruş mükâfât verilecekdir
Kavâid-i Türkiye risâlesinin te'lîfi için altı ay müddet ta'yîn olunmuşdur

Coğrafya