243

Kelimatın suret-i tahrir ve telaffuz ve manalarını ve kangı lisandan olduklarını mübeyyin bir kıt'a cetvel tanzim olunacaktır.

| Lisan | Mana | Suret-i Telaffuz | Suret-i Tahrir |
| :--- | :--- | :--- | :--- |
| Arabî | Ama | Lakin | Lakin |
| Arabî | Öylece | Kezalik | Kezalik |
| Farisî | İstek | Hâhiş | Hâhiş |
| Türkî | Memleket | Ülke | İlka |

Cetvelde bulunan kelimeleri şamil bir takım küçük ibareler ve mümkün olduğu halde kısa hikâyeler olunacaktır. Şevaz-ı imla risalesi münasip mikdar derslere taksim olunup her ders dört beş kelime ile bunları şamil iki sahife kadar ibareden mürekkep olacaktır. Fakat her bir dersin ibareleri o gün talim olunan kelimelere mahsus olmayıp geçen derslerde bulunan kelimeler dahi tekrar kılınacaktır. Kelimatın mugayir-i kaide olarak yazılmasının sebeb ve hikmeti malum ise bu baba dair bazı malumat-ı muhtasara dahi verilecektir. İşbu risale otuz kırk sahife kadar olacak ve birincisine dört bin ve ikincisine üç bin kuruş mükâfat verilecektir. Şevaz-ı imla risalesinin telifi için dört ay müddet tayin olunmuştur.

( Malûmat-ı Nafia )

Heyet. Coğrafya. Tarih. Hikmet-i Tabiiye. Kimya. Tabakatü'l-arz. Ahlak.

İşbu risale balada mezkur ulum ve sairine müteallik her türlü malumat-ı nafiayı şamil bir mecmua olacağından mesailin yekdiğerine irtibatı iktiza etmez. Atfal bunu dersden addetmeyip hikâye kitabları gibi eğlence makamında okumak için heves ve rağbetlerini celb edecek surette gayet sade ve muhtasar yazılacaktır. Malûmat-ı nafia risalesi yüz sahife kadar olacak ve birincisine beş bin ve ikincisine üç bin kuruş mükâfat verilecektir. İşbu risalenin telifi için dört ay müddet tayin olunmuştur.

( Meşk Mecmuası )

Kalem ve mürekkep ve kâğıd ve sair edevat-ı hattatiyeyi nasıl intihab ve tehiye etmek