Büyük Dil Modeli Tarafından Üretilen Metin
269
( İkinci Fasl )
( Mektebin usûl-i hisâbiyyesini muarrifdir )
Otuz dokuzuncu madde: Mekteb-i Sanayiin gerek dâhili ve gerek hârici şu‘belerine mahsûs defterler müteaddid ve mütenevvi‘dir. Şu‘be-i dâhiliyenin defâtir-i mütenevvi‘asından birisi şâkirdânın künye defteridir ki karşılıklı her iki sahîfesi bir şâkirde mahsûs olup sağ tarafındaki sahîfesinin baş tarafına mektebe alınan çocuğun ism ve sinn ve şekli ve veli ve akrabâsı kimler olduğu ve kangı milletden idüği ve târîh-i duhûlü ve meccânen veyâ ücretle alınmış ise keyfiyeti ve sınıf ve san‘atı terkîm olunup her sene kaç aded ve ne mikdâr elbise ve eşyâ verilür ise ismi altına sırasıyla yazılur. Ve ol çocuğun emniyet sandığında akçesi var ise anın mikdârı her sene âhirinde ismi zeyline işâret kılınur. Ve sol tarafındaki sahîfeye dahi sağ sahîfede ismi muharrer çocuğun ay başlarında jurnallerinden vukû‘âtı hulâsa olunarak bir senede hüsn-i harekâtı ve muhassenâtı ve bi’l-aks kabîhâtı ne ise hulâsa vechle işâret olunup her sene âhirinde işbu sicil ahlâk imtihân meclislerinde alenen kırâat edilür ve şâkirdin sınıf ve rütbece tenezzül ve terakkîsi dahi bu sahîfede gösterilür. İkinci defter kezalik şu‘be-i dâhiliyenin ta‘yînât ve levâzımât-ı sâiresine dâir yevmiye vukû‘ bulan mesârifin defteridir ki her akşam yoklamasında mevcûd şâkirdânın adedi ne mikdâr ise matbû‘ pusulaların birine kâtib tarafından işâret olunarak bunlara lâzım olan ta‘yînât ve me’kûlât-ı yevmiye ile daha ne alınmak lâzım gelecek ise anlar dahi yazılup vekîlharca bi’l-i‘tâ mübâya‘a olundukdan sonra bahâları pusula zeyline tahrîr ve müdîr muâviniyle kâtib tarafından her gün tasdîk ve temhîr kılınup masraf defterine geçirilir ve her ay başında işbu mesârifin bir icmâli tanzîm ile müdîr ve muâvin ve kâtib tarafından temhîr olunarak nâzıra verilür. Üçüncü defter yevmiye defteridir ki şu‘be-i dâhiliye sandığına her gün kaç guruş dâhil olmuş ise mikdârı işbu defterin sağ sahîfesine ve az çok sandıkdan ne sarf olunmuş ise sol sahîfesine yazılup her gün muhâsebe ve muvâzenesi icrâ olunacağı misillü ay âhirlerinde dahi bir hulâsası yapılup vâridât masrafdan ziyâde ise fazlası ertesi ay hisâbına îrâd yazılmak iktizâ eder.
( İkinci Fasl )
( Mektebin usûl-i hisâbiyyesini muarrifdir )
Otuz dokuzuncu madde: Mekteb-i Sanayiin gerek dâhili ve gerek hârici şu‘belerine mahsûs defterler müteaddid ve mütenevvi‘dir. Şu‘be-i dâhiliyenin defâtir-i mütenevvi‘asından birisi şâkirdânın künye defteridir ki karşılıklı her iki sahîfesi bir şâkirde mahsûs olup sağ tarafındaki sahîfesinin baş tarafına mektebe alınan çocuğun ism ve sinn ve şekli ve veli ve akrabâsı kimler olduğu ve kangı milletden idüği ve târîh-i duhûlü ve meccânen veyâ ücretle alınmış ise keyfiyeti ve sınıf ve san‘atı terkîm olunup her sene kaç aded ve ne mikdâr elbise ve eşyâ verilür ise ismi altına sırasıyla yazılur. Ve ol çocuğun emniyet sandığında akçesi var ise anın mikdârı her sene âhirinde ismi zeyline işâret kılınur. Ve sol tarafındaki sahîfeye dahi sağ sahîfede ismi muharrer çocuğun ay başlarında jurnallerinden vukû‘âtı hulâsa olunarak bir senede hüsn-i harekâtı ve muhassenâtı ve bi’l-aks kabîhâtı ne ise hulâsa vechle işâret olunup her sene âhirinde işbu sicil ahlâk imtihân meclislerinde alenen kırâat edilür ve şâkirdin sınıf ve rütbece tenezzül ve terakkîsi dahi bu sahîfede gösterilür. İkinci defter kezalik şu‘be-i dâhiliyenin ta‘yînât ve levâzımât-ı sâiresine dâir yevmiye vukû‘ bulan mesârifin defteridir ki her akşam yoklamasında mevcûd şâkirdânın adedi ne mikdâr ise matbû‘ pusulaların birine kâtib tarafından işâret olunarak bunlara lâzım olan ta‘yînât ve me’kûlât-ı yevmiye ile daha ne alınmak lâzım gelecek ise anlar dahi yazılup vekîlharca bi’l-i‘tâ mübâya‘a olundukdan sonra bahâları pusula zeyline tahrîr ve müdîr muâviniyle kâtib tarafından her gün tasdîk ve temhîr kılınup masraf defterine geçirilir ve her ay başında işbu mesârifin bir icmâli tanzîm ile müdîr ve muâvin ve kâtib tarafından temhîr olunarak nâzıra verilür. Üçüncü defter yevmiye defteridir ki şu‘be-i dâhiliye sandığına her gün kaç guruş dâhil olmuş ise mikdârı işbu defterin sağ sahîfesine ve az çok sandıkdan ne sarf olunmuş ise sol sahîfesine yazılup her gün muhâsebe ve muvâzenesi icrâ olunacağı misillü ay âhirlerinde dahi bir hulâsası yapılup vâridât masrafdan ziyâde ise fazlası ertesi ay hisâbına îrâd yazılmak iktizâ eder.