282

Bulundığından gerek zâbıta ve gerek imalât idârelerine müteallik her ne olur ise umûm müdîri ma‘rifetiyle nezâretten istîzân olunub oradan alınacak re’ye göre hareket edilecektir. Aşçı ve vekîlharc gibi hademenin lede’l-iktizâ tebdîline ıslâhhâne umûm müdîri me’zûn ise de kusûr ve töhmeti veyâ işinde tekâsülü sâbit olmadıkça hîç bir me’mûr ve hizmetçi değiştirilmeyecektir.

( İkinci Fasıl )
( Vâridât ve masârifât ve imalâtın sûret-i )
( rü’yetine ve muhâsebâtın cereyânına dâirdir )

On altıncı mâdde: Islahhânenin idâresi ve me’mûrları gibi umûr-ı hesâbiyesi dahi iki kısım olup birisi ıslâhhâne me’mûrlarının ve şâkirdânın idâresine âid masârifât ve anlara mahsûs vâridât hesâblarıdır ki bunlar ıslâhhânenin umûr-ı asliye-i hesâbiyesi olmağın sûret-i zabt ve rü’yeti umûm müdîrinin nezâret ve idâresi altında olarak zâbıta müdîri ve kâtibleri ma‘rifetiyle rü’yet olunur ve ikincisi imâlât hesâblarıdır ki kezalik umûm müdîrinin nezâret ve idâresi altında olarak imâlât müdîri ve kâtibler ma‘rifetiyle idâre kılınır.

On yedinci mâdde: Islahhânenin umûr-ı asliye-i hesâbiyesine mahsûs müteaddid defterler olup bunun birisi künye ve esâs defteridir ki ıslâhhâneye dâhil olan etfâlin isim ve sinn ve şeklini ve târîh-i duhûlünü muarrif olmak üzere işbu defterin her sahîfesi bir çocuğun hesâbına tahsîs olunarak beher sene kaç aded ve ne mikdâr elbise ve eşyâ verilir ve’l-hâsıl ol çocuğun her sene masârifi neye bâliğ olur ise nümûnesine tatbîkan ismi altına sırasıyla yazılır ve mâl-ı mevrûsu var ise mahkeme-i şer‘iye ma‘rifetiyle idâne olunarak kassâmı hıfz ile mikdârı ve nerede olduğu gösterilir ve istihsâl edilen fâiz ol sahîfede hâne-i mahsûsuna geçirilir ve imtihânlarda şâkirdin rütbesi ve derecesi terakkî etdikçe keyfiyeti işâret kılınır.

On sekizinci mâdde: Islahhânenin umûr-ı asliye-i hesâbiyesi defâtirinden biri de...