33

Ne îcâr ve ne de doğrudan doğruya vekîl ile idâre olunmayarak ortacılık ve kısımcılık sûretinde zirâat ve idâre ettirilen arâzî ve bâğ ve bâğçe ve sâir emlâk ve akârın ashâbı taraflarından verilmesi lâzım gelen vergileri dahi bunların ashâbına âid olan hisse-i vâridâtından bi’t-tefrîk ortacı ve muzârı‘ları yedinden bâlâda beyân olunduğu üzere aynen veyâhûd bedelen evvel be-evvel ahz u tahsîl ile sened-i makbûz verilecek ve sened-i mezbûr ashâbı tarafından kabûl edilecektir.

Îcâr olunmayarak ve vekîl vâsıtasıyla idâre ettirilmeyerek terk ve ta‘tîl edilen arâzî ve emlâk olduğu hâlde bu makûlelerin ashâbı nerede ise vergisi muayyen vakti geçirilmeksizin vâsıta-i hükûmetle bi’l-muhâbere serîan asıl sâhiblerinden istihsâl ve mahalline îsâl edilecektir.

[Fî 12 Zi’l-ka‘de sene 1286]