332

Mühendisine veyahud ma’den idaresine havale olunarak fen ve kaideye tatbikan verilecek karara göre icabı icra kılınacaktır.

Altmış dokuzuncu madde: İ’maline bed’ ve mübaşeret olunmuş olan ma’denin müddet-i imtiyaziyesi münkazıye olmazdan mukaddem ba’zı esbab-ı zaruriyeden naşi imtiyaz sahibi terke mecbur olduğu takdirde altı mah mukaddem keyfiyeti bir beyanname ile ma’den meclisine bildirecek ve işbu beyannameye ma’denin ahval ve i’malatına ve ihrac eylediği ma’denden ne mikdar mevcud bulunduğuna dair bir layiha rabt edüb beyanname-i mezkûrda bir gûne şart derc olunmayacaktır.

Yetmişinci madde: Esbab-ı mücbireden naşi olmayarak i’malat bir sene kadar ta’til olunduğu halde ma’adin idaresi tetkikat-ı lazımeyi icra etdikden sonra i’malata tekrar bed’ olunmak üzere bir mühlet ta’yin edebilecek ve müddet-i mezkûre mürur ederek yine işlenmeyüb muattal kalır ise imtiyazı fesih olunacaktır.

Yetmiş birinci madde: İşbu nizamnamenin mevadd-ı müteaddidesinde beyan olunan esbabdan dolayı bir ma’denin imtiyazı terk olunduğu veyahud ihalesi fesih ile fermanı istirdad kılındığı veyahud müddeti münkazıye olduğu halde mağara ve kuyular ve ma’denin muhafazasına lazım olan sair şeyler sahib-i imtiyaza hiç bir tazmin verilmeksizin devlete veyahud yeni ashab-ı imtiyaza aiddir. Makine ve alat ve edevat ve çıkarılmış olan ma’den ve hayvanat misillü şeyler eski imtiyaz sahibine aid olub fakat devletin ve yeni imtiyaz sahiblerinin bunların mecmu’unu veyahud bir mikdarını ehl-i hibrenin takdir edeceği kıymet üzerine iştira etmeğe hakları olacaktır.

Yetmiş ikinci madde: İmtiyazın terk veyahud feshi veyahud müddetinin inkızası takdirinde imtiyaz sahibleri imtiyazın fesih veyahut terki gününe değin tazminat ve sair rüsum ve tekâlifi ifaya mecburdur ve yetmiş birinci maddede beyan olunan alat ve edevat gibi kendisine aid şeyler işbu rüsum ve tekâlifin ifasıçün rehin tarikiyle mevkuf tutulur.

Yetmiş üçüncü madde: Bir ma’den imtiyazının terk ve feshine dair verilen karar evrak-ı havadis ile ilan kılınacaktır.

Yedinci