334

bulunduğu mahal ve cins ve istidadını ve ne suretle işledileceğini mutazammın olacaktır.

Yetmiş dokuzuncu madde — Verilecek ruhsatnamede imalatın keyfiyetleri ve sıhhat-i umumiye ve turuk ve ebniyenin ve su menbalariyle mecralarının suret-i temin ve muhafazaları ve vukua gelecek zarar ve ziyandan dolayı ita olunacak tazminatın miktarı tayin olunacaktır.

Sekseninci madde — İşbu ruhsatname madenli toprak ve kumların yıkanması için suyun nereden alınacağını ve nereden icra edileceğini ve ba'de'l-isti'mal nereden salıverileceğini tayin ve izah eyleyecektir.

Seksen birinci madde — Maadin-i sathiyenin imalatı maadin-i asliye gibi ruhsatnamede münderiç şerait ahkamı icraya nezaret etmek üzere maadin idaresi tarafından tayin olunacak mühendis ve memurların nezareti altında bulunacaktır.

Seksen ikinci madde — Maden işletenler beher sene maadin-i sathiye işlerinin bulunduğu hale ve bir senelik mahsulât ve imalatın ahval-i muhtelifesine dair vilayet valisine bir müfredat defteri ita eyleyeceklerdir.

Seksen üçüncü madde — Maadin-i sathiyeden biri esna-yı imalde maadin-i asliye haline girecek olur yani imal ve ihracı için kuyu ve mağara hafrine ihtiyaç mess eder ise maadin-i asliye hakkında mevzu olan nizam mucibince ruhsat ve imtiyaz almaksızın anın imal ve ihracına devam olunmayacaktır.

Seksen dördüncü madde — Maadin-i sathiye işletenler seksen ikinci ve seksen üçüncü maddeler ahkamına muhalif hareketde bulundukları halde kendilerinden beş Osmanlı altınından yirmi altına kadar ceza-yı nakdi alınacaktır.

( Bab-ı Râbi' )

( Mevadd-ı madeniyenin izabe ve tasfiyesine mahsus kalhane )
( ve fabrikalara dairdir )

Seksen beşinci madde — Mevadd-ı âtiye ahkamına tevfikan bir kıt'a ferman-ı âli ahz ve istihsal olunmadıkça mevadd-ı madeniyeyi izabe ve tasfiye etmek için kalhane ve fırın