Büyük Dil Modeli Tarafından Üretilen Metin
339
Menâfi-i umûmiye zımnında yapılacak ve doğrudan doğruya âmmenin istifâdesiçün taraf-ı Devlet-i Aliyye’den tanzîm ve tesviye olunacak şey olur bunun içün lüzûmu olan arâzi ve sâirenin kıymet-i lâyıkasının itâsıyla sâhibi vermekte izhâr-ı rızâ etmez ise mâdemki bu şeyin menfaati umûma âiddir ve bahâsı dahi kıymet-i lâyıkası olarak verilecektir artık sâhibinin adem-i rızâsına bakılmayarak akçesi verilip alınacaktır.
Bu sûretle iştirâ olunacak emlâkın bahâsı sâhiplerine kâmilen teslîm ve itâ olunmazdan evvel ol mülkde ikâmetden men olunmayıp akçesi kâmilen eline girdiği vakit hukûk-ı mülkiyeti iskat olunacaktır ve dâimâ ashâb-ı emlâke akçeleri itâ olundukda makbûz senedleri alınıp hıfz edilecektir ve öteden beri menfaati umûma âid ve şâmil olan mevâki ve sâirenin husûsiyete nakl etdirilmesi kat’â tecvîz olunmayacaktır.
Her nevi ma’bed müstesnâ olup fakat bunlara ve tekye ve manastıra müteallik olan arâzi hakkında emlâk-i âdiye gibi muâmele olunacaktır vakıf dâhilinde olan arâzi ve emlâkın bu sûretle iştirâsında müteallik olduğu vakfa âid olan intifâ cânib-i devletden ol vakfa te’mîn ve itâ olunacaktır.
Tezyîn veyâhut tahâret-i belde içün bir dükkânda veyâhut bir takım dükkânlarda icrâ olunan ahz ve itâ veyâhut san’atın âhir gösterilecek mahalle nakli devlet emr edebilip böyle ahvâlde Dersaâdet’de ise Şehir ve Ebniye Meclisi tarafından ve taşralarda Meclis-i Memleket cânibinden bir mazbata yapılıp Meclis-i Vâlâ-yı Ahkâm-ı Adliye’de tasdîk olundukdan sonra atebe-i ulyâ-yı pâdişâhîden istîzân ile müteallik buyurulacak irâde-i seniyye üzerine iktizâsı icrâ olunacaktır ve bu makûle nakl husûsunda ashâb-ı emlâkın terk edecekleri mülkü istedikleri gibi bey ve fürûht eylemeğe istihkakları olup fakat cânib-i devletden bir müddet mehil ta’yîn olunacaktır ve ol mehlin inkizâsında ol mülkü müzâyede ile sattırıp bahâsını ashâbına itâ etdirecektir.
Fî 4 Receb sene 1272
Menâfi-i umûmiye zımnında yapılacak ve doğrudan doğruya âmmenin istifâdesiçün taraf-ı Devlet-i Aliyye’den tanzîm ve tesviye olunacak şey olur bunun içün lüzûmu olan arâzi ve sâirenin kıymet-i lâyıkasının itâsıyla sâhibi vermekte izhâr-ı rızâ etmez ise mâdemki bu şeyin menfaati umûma âiddir ve bahâsı dahi kıymet-i lâyıkası olarak verilecektir artık sâhibinin adem-i rızâsına bakılmayarak akçesi verilip alınacaktır.
Bu sûretle iştirâ olunacak emlâkın bahâsı sâhiplerine kâmilen teslîm ve itâ olunmazdan evvel ol mülkde ikâmetden men olunmayıp akçesi kâmilen eline girdiği vakit hukûk-ı mülkiyeti iskat olunacaktır ve dâimâ ashâb-ı emlâke akçeleri itâ olundukda makbûz senedleri alınıp hıfz edilecektir ve öteden beri menfaati umûma âid ve şâmil olan mevâki ve sâirenin husûsiyete nakl etdirilmesi kat’â tecvîz olunmayacaktır.
Her nevi ma’bed müstesnâ olup fakat bunlara ve tekye ve manastıra müteallik olan arâzi hakkında emlâk-i âdiye gibi muâmele olunacaktır vakıf dâhilinde olan arâzi ve emlâkın bu sûretle iştirâsında müteallik olduğu vakfa âid olan intifâ cânib-i devletden ol vakfa te’mîn ve itâ olunacaktır.
Tezyîn veyâhut tahâret-i belde içün bir dükkânda veyâhut bir takım dükkânlarda icrâ olunan ahz ve itâ veyâhut san’atın âhir gösterilecek mahalle nakli devlet emr edebilip böyle ahvâlde Dersaâdet’de ise Şehir ve Ebniye Meclisi tarafından ve taşralarda Meclis-i Memleket cânibinden bir mazbata yapılıp Meclis-i Vâlâ-yı Ahkâm-ı Adliye’de tasdîk olundukdan sonra atebe-i ulyâ-yı pâdişâhîden istîzân ile müteallik buyurulacak irâde-i seniyye üzerine iktizâsı icrâ olunacaktır ve bu makûle nakl husûsunda ashâb-ı emlâkın terk edecekleri mülkü istedikleri gibi bey ve fürûht eylemeğe istihkakları olup fakat cânib-i devletden bir müddet mehil ta’yîn olunacaktır ve ol mehlin inkizâsında ol mülkü müzâyede ile sattırıp bahâsını ashâbına itâ etdirecektir.
Fî 4 Receb sene 1272