342

( İkinci Fasıl )

( Timur yolların hüsn-i muhafazasina dairdir )

Sekizinci madde: Timur yolun hendek ve şev ve sedlerini ve imalat-ı sınaiye-i sairesini bozmak ve tarik üzerine toprak ve sair şeyler vaz etmek ve mevkiflerin ve arabaların eşyasını ve alat ve edevat-ı saireyi bozup kırmak kat’iyyen memnûdur.

Dokuzuncu madde: Timur yolu hattından la-akal üç arşun mesafe dâhiline muhafaza duvarından başka müceddeden ebniye inşası memnûdur. Zikr olunan üç arşun mesafe timur yolu hattının güzergâhında gerek hafr ile tesviye olunan mahallerin zaviye-i ulyalarından ve gerek toprak imlâsıyla tesviye olunan mahallerin zaviye-i süflalarından ve gerek timur yolu hendeklerinin dışarı doğru olan kıyısından ve bunlar olmadığı takdirde tarîkın haricî timur çubukları hududundan iki arşun fasıla bırakılarak çizilecek hattan itibaren hesap olunacak yani bu takdirde timur yolun haricî çubuklarıyla ebniye inşası mecaz olan mahallin beyni beş arşun mesafe olmak lâzım gelecektir. Ebniye nizamnâme-i hümâyûnu ahkâmı iktizasınca adi sokaklarda tesviye-i nizamiyeden hariç olarak ileri çıkmış olan haneler hakkında olduğu misillü mesafe-i mahdûde-i mezkûre dâhilinde el-yevm mevcud olan ebniyenin tamirinde o makule binalar hudud-ı mezkûrenin haricine ihrac kılınacaktır.

Onuncu madde: Hem-civar olan ashab-ı emlak evvelce ruhsat tahsil etmeksizin timur yolun güzergâhında dört arşun miktar kalınlığında türab vaz’ıyla tesviye olunan kıt’alarında şevin kaidesinden itibaren bi’l-mesaha etribe-i mevzûanın amûden irtifaına musavi bir mesafede hafr-i türab edemeyeceklerdir.

On birinci madde: Timur yolun iki tarafından altı arşun mesafe dâhiline bulunan mahallere evvelce istihsal-i ruhsat olunmadıkça taş veyahut kabil-i ihtirak olmayan eşya-yı saire yığılması memnu olup fakat timur yolun doldurma olarak tesviye olunmuş olan mahallerinde yığılan şeyler dolmanın
(irtifaını)