35

mahsusa ile bildirilerek taksimden re’s-i sancak idare meclislerinde dahi
her kazanın kezalik nüfusuna ve mevcudunun hal ve tahammül ve iktidarına
tatbikan dört sınıf üzere hisse-i vergisi tefrik ve taksim edilerek
tanzim olunacak eda tezkereleri ana göre gönderilmek lazım geleceğinden kazalarda
mevcud nüfus-ı Kıbti bend-i atide beyan olunacak kaide üzere tahrir ve merkez
vilayetden beyan olunan nisbete göre mevcudu sunûf-ı erbaaya taksim
olunarak yedlerine meccanen sınıf tezkereleri verilecektir.

Beşinci Bend: Kıbti taifesinin ekserisi bir kaza veyahut bir sancakda temekkün ve karar
etmeyüb köyden köye ve dağdan dağa gezdiklerinden topluca bulundukları
zaman kış mevsimleri olmasiyle bidayet-i maslahatda bir defalık olarak
Teşrin-i evvel ibtidasından Kanun-ı evvel intihasına kadar üç ay zarfında
her kaza dahilinde bulunan müslim ve gayr-i müslim Kıbtilerin on beş yaşında ve daha
yukarısında olanlardan yetmiş yaşında bulunanlara kadar tahrir ile beraber üçüncü
bendde beyan olunan nisbete göre kazalar meclis-i idaresi marifetiyle
ve yekdiğerinin ihbariyle sınıfları tayin olunmakla beraber çünkü gönderilen
sınıf tezkereleri her sınıfa mahsus olarak başka başka resmde
olduğundan ve her koçanda yüzer aded tezkere bulunduğundan tahrir olunan
Kıbti kangı sınıfdan ise o sınıfa mahsus tezkerelerden birisi nümunesi
vechle doldurulub ve kazaya mahsus büyük mühürle temhir edilüb
o Kıbtinin yedine meccanen verilecek ve işbu tezkereye vaz’ olunacak
numara ile hamilinin ismi ve san’atı aynile koçanına dahi yazılacaktır.

Altıncı Bend: Kıbti vergisinin dört sınıfına mahsus olarak ittihaz
ve tanzim olunan eda tezkereleri Martdan sonra işbu vergiden her şahıs
hissesinin tahsili akibinde verileceğinden bend-i sabıkda muharrer usul üzere
her kaza dahilinde bulunan Kıbti taifesinin nüfusu tahrir ve mevcudu
sunûf-ı erbaaya taksim olundukdan sonra koçanları kazalarda hıfz olunarak
bir kıt’a zeyli mazbatalı defteri yapılıb re’s-i sancağa ve oradan dahi