366

( Beyoğlu Merkezi )

İşbu merkezin İstanbul Telgrafhanesi Baş Muvasala Memurunun vezaifine mümâsil vezaifle bir baş memuru olub merkez-i mezkûr hakkında idare tarafından verilecek evâmir ve tenbihatı hüsn-i icraya dikkat edecek ve maiyetinde altı muvasala memuru olub bunları gece ve gündüz nöbetle isal-i muharrerat hizmetinde istihdam edecektir.

( Sevk-i Mekatib-i Ecnebiye Kalemi )

Merkez-i mezkûr baş memurunun taht-ı idaresinde olarak bir sevk baş memuru olub vârid olan tahrirat-ı telgrafiyeyi sahiblerine irsal ve merkeze gelen tahriratın ücretlerini ahz ve istihsal edecek ve taati olunan muharreratın fâş olmasından mes'ul olacak ve refakatinde üç memur bulunacaktır.

Merkez-i mezkûrda İstanbul Telgrafhanesi'nde müstahdem olanlar gibi bir baş çavuş ve kapıcı ve bir odacı ve altı nefer musıl-ı muharrerat istihdam olunacaktır.

( Üsküdar Merkezi )

İşbu Üsküdar Merkezi'nde dahi İstanbul Telgrafhanesi Baş Muvasala Memurunun vezaifine mümâsil vezaifle bir baş memur ve üç muvasala memuru ve bir baş çavuş ve üç musıl-ı muharrerat ve bir odacı ve kapıcı istihdam olunarak bunların vezaifi Beyoğlu Merkezi memurlarının vezaifi gibi olacaktır.

( Fünun-ı Telgrafiye Mektebi Nizamnamesidir )

Telgraf İdaresi'nde memurlar yetiştirmeye mahsus olan işbu mekteb muavinin taht-ı nezaretinde olarak mekteb-i mezkûrda telgraf nazariyat ve amliyatı talim olunacaktır. Mezkûr mekteb Cuma ve Pazar günlerinden maada her gün vakit zuhrdan bir buçuk saat evvel nazariyat-ı telgrafiye dersleri verilub vakit zuhrda hitam bulacak ve bu derslerin birincisi telgraf fenninin muhtasar tarihi ile ulum-ı umumiye-i elektrikiyenin mukaddematı ve ikincisi pillerin istimal ve intihab ve muhafazası ve üçüncüsü eşkal-i telgrafiye ve kuvve-i seyyalenin usul ve tabayii ve elektriğin kuvve-i mıknatısiyesi ve dördüncüsü başlıca teferruat ve suver-i istimali ve beşincisi kullanılmakda olan Mors tabir olunan makinelerin

ve postaların