405

Araba ve hayvanlarıyle nakl ve fürûht etdikleri hatab ve koz bu hükümden
müstesnâdır ve bunlar hakkında cereyân edecek muâmelât ta'lîmât-ı mahsûsasında
beyân kılınacakdır

Altıncı madde Mîrî ormanlarından beher sene kat'a şâyân kerestelik eşcâr
mîrî çekici nâmıyla bir âlet-i mahsûsa ile nişanlanacak ve işbu nişanlanan
eşcârın cinsi ve mikdârı orman me'mûrları tarafından sebt-i defter
olunacakdır

Yedinci madde Esnâ-yı şitâda yapraklarını döken ağaçlar yalnız Teşrîn-i Evvel'in
on beşinden Nîsân'ın on beşine kadar ya'nî ağaçların suları çekildiği mevsimde
kat' olunacak ve fakat meşe ağaçlarının kabukları soyulmak içün ruhsat-ı
mahsûsa üzerine sâir vakitlerde dahi kat'ı câiz olacakdır ve yaprağını
dökmeyen eşcâr her mevsimde kesilebilecekdir

Sekizinci madde Orman me'mûrları görülecek mahalleri ve odun ve kömür içün
kat'a sâlih olan ağaçların mevâki'ini beher sene ta'yîn eyleyeceklerdir

Dokuzuncu madde Ormanlardan kerestelik ağaç kat'ı ve kat' olunan kerestelik
ağaçların yerine kaldırılıp nakli me'mûrları taraflarından ruhsat 'ilmühaberi
i'tâsına menûtdur ruhsatı hâvî yedinde 'ilmühaber olmadıkça hîç kimesnenin
kerestelik ağaç kat' ve nakl etmesi câiz olmayacakdır

Onuncu madde Mîrî ormanlarından ihrâc olunacak keresteler orman me'mûrları
tarafından 'alâmet-i mahsûsa ile nişanlanacak ve bu nişan eşcârın nereden
çıkarıldığını mübeyyin şehâdetnâme yerini tutacakdır

On birinci madde Mîrî ormanlarından taht-ı mukâvelede olarak kat'-ı eşcâra
me'zûn olanlardan taahhüdât-ı vâkı'alarının icrâsını ve kendüleriyle amele haklarında hükm
olunması muhtemel olan cezây-ı nakdîleri edâ edeceklerini te'mîn içün kefâlet
akçesi alınacak ve îcâb-ı maslahata göre kefîl-i mu'teber ahzı dahi câiz
olabilecektir

On ikinci madde Mîrî ormanlarından bir kıt'a-i mu'ayyenede bulunan ağaçların mukâvele-i
mahsûsa ile tâliblerine kat' etdirilmesi câiz olacak ve her ne sûretle olur
ise olsun mîrî ormanlarından müşterîlerinin kat' edecekleri eşcârın