407

( Kısım-ı Sâni )
( Evkafa merbut olan ormanlar hakkındadır )

On dokuzuncu madde Arazi Kanunname-i Hümayununun (*) dördüncü maddesinde tarif olunduğu üzere tahsisat kabilinden olan arazi-i mevkufenin

(*) Arazi Kanunnamesi mukaddimesinde
Dördüncü madde arazi-i mevkufe iki kısımdır kısım-ı evvel sahihan arazi-i memlukeden iken şer’-i şerife tevfikan vakf olunmuş olan arazidir ki bu makule arazi-i mevkufenin rakabesi ve bilcümle hukuk-ı tasarrufiyesi canib-i vakfa aid olarak bunlarda muamelat-ı kanuniye cereyan etmeyip ancak şart-ı vâkıf her ne ise ol vechle amel olunmak lazım geldiği cihetle arazi-i mevkufenin bu kısmından işbu kanunnamede bahs olunmayacaktır kısım-ı sâni arazi-i miriyeden bil’ifraz selatin-i izam hazeratının veyahut bizzat izn-i sultani ile aherlerinin vakf eylemiş olduğu arazidir ki bu misillü arazinin vakfiyeti yalnız arazi-i miriyeden bir kıt’a müfrezenin a’şar ve rüsumatı misillü menafi-i miriyesi taraf-ı saltanat-ı seniyeden bir cihete tahsis demek olduğundan bu makule arazi-i mevkufe evkaf-ı sahihadan değildir memalik-i mahrusede kain arazi-i mevkufenin ekserisi bu kabildendir ve böyle tahsisat kabilinden olan arazi-i mevkufenin arazi-i miriye-i sırfa gibi rakabesi beytülmale aid olmasıyla bunlar hakkında bundan sonra zikr ve tafsil olunacak muamelat-ı kanuniye tamamiyle cari olur fakat resm-i ferağ ve intikal ve bedel-i mahlulat arazi-i miriye-i sırfada canib-i miriye aid olduğu gibi bu makule arazi-i mevkufede dahi vakfı tarafına aid olur zîrde bast ve beyan olunacak arazi-i miriye ahkamı bu makule arazi-i mevkufede dahi cari olacağından işbu kanunnamede her ne zaman arazi-i mevkufe tabiri irad olunursa işte böyle tahsisat kabilinden olan arazi-i mevkufe murad olunur fakat bu makule arazi-i mevkufenin bir nevi dahi vardır ki rakabesi beytülmale aid olduğu gibi a’şar ve rüsumatı canib-i miriye aid olduğu halde yalnız hukuk-ı tasarrufiyesi veyahut rakabesi beytülmale aid olarak a’şar ve rüsumatiyle beraber hukuk-ı tasarrufiyesi bir cihete tahsis kılınmıştır