420

Yedinci mâdde: Bir başda posta müdîri olub da dîger cihetinde me’mûr bulunmayan veyâhud iki ciheti dahi me’mûrdan hâlî bulunan mahallerde pul makâmında kullanılmak üzre postahâneden yapdırılub gönderilecek tamgalı zarflardan îcâbı mikdârı merkez müdîrlikleri ma’rifetleriyle esnâf-ı mu’tebereye tevzî’ olunarak bunlardan ne mikdâr şey satılur ise evrâk-ı sahîha misillü esmânından bâi’lerine ondalık verilecekdir.

Sekizinci mâdde: Postahâne meclisinin ve nasb olunacak me’mûrların vezâifiyle posta me’mûrlarından mugâyir-i nizâm hareketde bulunanlar hakkında lâzım gelen mu’âmeleyi ve müteferri’âtını mübeyyin bir nizâmnâme-i dâhilî tanzîm olunacakdır.

Fî 26 Muharrem sene 1286

Posta