429

Ve defterine kayd ile tatar caddesi olan mahalle gidecek emanetin mikdarı mahlut olduğu suretde ne kadarı altun ve ne kadarı sim idüğü ve parçası ve ücreti ve ashabı esamisi muharrer ve ziri posta mührüyle memhur mürsili yedine matbu sened ita olunacak ve sened-i mezkûr mektub derununa mevzuan mahalline gönderilecekdir. Yed-i ahire geçmemek içün mektubu teahhüd etdirmekde sahibi muhtardır.

Kırk İkinci Madde
Posta müdürü olan mahallerde kâin postahanelere tüccar ve saire taraflarından emanat ve zî-kıymet eşya ita ve teslim olunmakda olduğundan postaların hîn-i küşad ve irsalinde postahanelerin emanat ve eşya ahz ve ita olunan mahalline işi olmayan adamların veyahud adi mektub verip alacakların duhulü caiz değildir. Muntazam postahane ve şubesi olan mahallerde emanat ve eşya bizzat posta müdürü ve pul memurlarına verilecekdir.

Kırk Üçüncü Madde
Zuhurat olarak tatar ihracına avdeti dahil olduğu halde beher saatde yirmi beşer guruş alınur. Tatarlar mahalline vusulleri gününden itibaren cevab almak içün üç gün bekleyüp bu müddet güzeran eyledikden sonra avdet etmekde muhtar kalacaklardır. Eğer mahsusan sürücü vasıtasıyla posta çıkarılmak taleb olunur ise tatarlar hakkında cari olan şeraite riayetle beraber saat başına yalnız on guruş ücret verilmesi lazım gelecekdir.

Kırk Dördüncü Madde
Esnâ-yı rahda posta tatarı hastalandığı halde posta müdürü bulunan mahal olup nöbetde diğer tatar olur ise nöbetde bulunan tatar ihrac olunacak ve bulunmadığı suretde çantalar postanın küşadı gibi açılıb derununda bulunan emanet ve numuneler bi't-tevkif hıfz ile yalnız mekatib çantaya mevzuan ve memhuran ba-jurnal sürücü ile der-akab irsal kılınup emanetler ertesi hafta postasıyla gönderilecekdir. Posta müdürü bulunmayıp da ondalıkçı olan mahalde çantalar ondalıkçı ile ol mahallin hükümeti marifetiyle bi'l-ittifak küşad olunup vech-i meşruh üzere hareket olunacakdır.

Kırk Beşinci Madde
Zuhurat tatarı olup çifte olmadığı halde keyfsizliği