444

Mevadd-ı merkûmeden evvelâ mevlidü'l-buharın nihayet derece işleyeceği tazyik-i havanın derece ve küsurat-ı a'şariyesinin tasrih olunması, saniyen mevlidü'l-buharların ve galeyan boruları var ise anların şekil ve cirmlerinin zira-i mik'ab üzere beyanı, salisen mevzi ve mevki'lerinin tayini, rabi'an mahrukatın nevinin tasrihi, hamisen ne nev' imalatta istimal olunacağı, sadisen istida ile beraber fabrika ile etrafındaki ebniyenin iki yüzde bir mikyaslı haritasının takdimi hususlarıdır.

On Üçüncü Madde — Gerek müceddeden vaz' olunacak ve gerek mukaddema bilâ-ruhsat vaz' olunmuş bulunan mevlidü'l-buharların istimali hakkında ruhsat istida olunabilmek üzere her mevlidü'l-buhar içün ebniye veznesine ruhsatiye olarak on aded Mecidiye altın teslim olunduğunu mübeyyin bir kıt'a makbuz senedi alınarak istida arzuhaline rabt olunması lazımdır.

(Dördüncü Fasl)
(Nizama mugayir hareket edenler hakkında terettüb)
(edecek mücazat)

On Dördüncü Madde — İşbu nizamname ahkamına mugayir halat vukuunda gerek müceddeden makine küşadı içün ve gerek mevcud olanların ibkasıyla istimali içün verilecek ruhsat tezkerelerinde beyan olunacak tedabire mugayir hareket zuhurunda bunların her biri içün bir Mecidiye yüzlük altını cezay-ı nakdi alınacaktır.

Kazanların emniyet aletlerine dair olan beşinci ve altıncı ve yedinci ve sekizinci ve dokuzuncu maddelerin ahkamına riayet etmeyenlerden cezay-ı nakdi olarak beş aded yüzlük Mecidiye altını ahz olunduktan başka hükümet tarafından dahi münasip görüldüğü suretde ruhsat tezkeresi derununda olan şeraitin kaffesi icra olununcaya kadar fabrika tatil kılınacaktır.

On Beşinci Madde — Her kim ki bilâ-ruhsat mevlidü'l-buhar istimal eder ise her bir mevlidü'l-buhar içün bir yüzlük Mecidiye altın alınacaktır ve bir de sahibi ruhsat ahz edip makinesini nizamata tamamıyla tatbik eylemedikçe işletemeyecektir.

( On )