452

Tahlîsi husûslarına ve bi’l-cümle esnâf rüsûm-ı muayyenelerini tahsîl ve ahz
olunca a’zâlarının sûret-i intihâbına belediye idâresi i’tâ ve nezâret eder

( İkinci Fasl )
( Şehremâneti beyanındadır )

Beşinci madde: Bi’l-cümle tevâbi’iyle İstanbul şehrinin umûr-ı belediyesi Şehremini
ve Şehremâneti meclisi ile Cem’iyyet-i Umûmiyye-i Belediyeye muhavveldir.

( Üçüncü Fasl )
( Şehremâneti dâiresi beyanındadır )

Altıncı madde: Şehremâneti dâiresi muâvin ve muhâsebe ve tahrîrât müdîrleri
ve baş mühendis ile ma’iyyetlerinde lüzûmu mikdâr ketebe ve mühendislerden teşekkül eder.

( Dördüncü Fasl )
( Şehremâneti vezâifi beyanındadır )

Yedinci madde: Şehremâneti taraf-ı devletden mansûb bir zâta muhavveldir.

Sekizinci madde: Şehremini nezâret-i umûmiyesi hasebiyle evvelâ devâir-i belediyenin
sûret-i idâresine nezâret ve Şehremâneti meclisine riyâset eyler. Sâniyen Cem’iyyet-i
Umûmiyye’ye riyâset etmekle berâber cem’iyyet-i mezkûreyi fevkalâde olarak celb
ve cem’ eyler. Sâlisen Meclis-i Beledî’yi lüzûm-ı hakîkîsini gördigi halde esbâb-ı
mûcibeyi Bâb-ı Âlî’ye arz edüb alacağı emr üzerine ta’tîl veyâ tebdîl eyler.
Râbian muâvin ve muhâsebe ve tahrîrât müdîrleri ve baş mühendis ile meclis
kâtiblerinin ve devâir-i belediye meclisleri a’zâlığına intihâb olunanların esâmîsini
Bâb-ı Âlî’ye arz ve takdîm eyler. Hâmisen mecâlis-i belediyenin tensîbiyle emlâkin
takdîr-i kıymetine ve vergünün sûret-i tarh ve tevzî’ine me’mûr olan komisyonları
ta’yîn ve ta’lîmât-ı mahsûsa ile sûret-i hareketlerini beyân eyler. Sâdisen
vergüsünü îfâ etmeyenler hakkında muâmele-i lâzime-yi nizâm-ı mahsûsuna tatbîkan
icrâ eyler. Sâbian her dâirenin sene büdcelerini ve vâridâtının sûret-i sarfı
ve umûr-ı mâliyece ahvâl-i umûmiyesi defterini ve istikrâzâta ve memleketin
tezyînât-ı cesîmesine dâir devâir-i belediye meclislerinden gönderilecek mazbataları
ahz