478

( Zokaklara Dâir Nizamnâmedir )

Birinci Bend: Beyoğlu ve Galata zokakları âtide beyan olundığı vechle bir usûl-i muntazama tahtına vaz' olunacaktır. Şöyle ki her tarîkın ehemmiyetine göre ve ebniye nizamnâmesinde musarrah olan usûle tatbîkan tesviye ve tevsiine ve hânelerin irtifâlarına ve kaldırımlar tanzîmine ve fenerler vaz'ı ve lağım yolları inşâsı husûslarına mübâşeret kılınacaktır.

İkinci Bend: Nizamnâmede iş'âr olundığı üzre kaldırım inşâsına lâzım gelen masârif fevkalâde vergi tarh olunarak tahsîl olunacaktır.

Üçüncü Bend: İşbu kaldırımların ta'mîri ve halelden vikâyesi zımnında îcâb iden masârif meclis-i beledi tarafından tahsîl olunacak âdi vergiden te'diye kılınacaktır.

Dördüncü Bend: Kaldırımların usûl-i inşâiyeleri her bir mahal hakkında îcâbına göre meclis-i beledi tarafından tensîb ve intihâb olunacaktır.

Beşinci Bend: Süprüntü hakkında dâire-i belediye dâhilinde bulunan zokaklar tertîb olunacak defter mûcibince üç sınıfa taksîm kılınacaktır.

Altıncı Bend: Âtide beyan olunan şurûta tatbîk olunmak üzre zokakların süpürülmesi ek ehven bahâ ile kabûl iden kimesneye havâle olunacak ve zokakların birinci sınıfda bulunanları esnâ-yı şitâda beher gün bir ve eyyâm-ı sayfda beher gün iki ve ikinci sınıfda bulunanları günde bir ve üçüncü sınıfda kileri haftada bir kere süpürülecek ve işbu süprüntü maddesi nîsanın ibtidâsından teşrîn-i evvelin ibtidâsına kadar mürûr iden eyyâmda öğle vaktinden beş altı sâat evvel ve öğle vaktinden yedi sekiz sâat sonra ve teşrîn-i evvelin ibtidâsından nîsanın ibtidâsına kadar imrâr iden vakitte öğleden altı yedi sâat sonra icrâ olunacaktır.

Yedinci Bend: Hâne ve dükkân sâhibleri ve müste'cirleri süprüntüyü almak içün bâlâda