486

Altmışıncı bend
Daire dahilinde ekmekçilik etmek isteyenler evvel bâ-evvel daire merkezinde isim ve resmini kayd ettirmelidir.

Altmış birinci bend
Ekmek buğday unundan yapılıp aslâ mevadd-ı muzırra karıştırılmayacaktır.

Altmış ikinci bend
Derûn-ı hubzda maye ve lâzımü'l-mikdar tuz ve sudan mâadâ her ne bulunur ise kalp mesabesinde i'tibar olunup me'murîn-i taraf-ı zabıtadan zabtına mübâşeret olunacakdır. Bu kâ[ra] cesaret edenlere ceza kanunname-i hümayunun iki yüz elli yedinci maddesine tatbikan altı beyaz beşlikden on beyaz beşliğe kadar cezayı nakdi ahziyle mücazat olunacakdır.

Altmış üçüncü bend
Bozuk ve küflü dakik ile masnu' ekmekler hakkında dahi ceza kanunname-i hümayunun iki yüz elli yedinci maddesine tatbikan altı beyaz beşlikden on beyaz beşliğe kadar cezayı nakdi ahziyle mücazat olunacakdır ve ekmekler dahi zabt kılınacakdır.

Altmış dördüncü bend
Suyu çokça verilen ve mayesi çok kalkmış olan ve gereği gibi matbuh olmayan ekmekler hakkında dahi ceza kanunname-i hümayunun iki yüz elli yedinci maddesine tatbikan altı beyaz beşlikden on beyaz beşliğe kadar cezayı nakdi ahziyle mücazat olunacakdır ve ekmekler dahi zabt kılınacakdır.

Altmış beşinci bend
Her hususda istimal olunacak mikyal ve mizan devlet-i aliyyenin muteber ve müstamel olan mizanı olacakdır.

Altmış altıncı bend
Hubz vezn etmek içün demir veyahud kalaylı nuhas terazular istimal olunacakdır.

Altmış yedinci bend
Âdetâ has un ekmekden başka şa'ir ve çavdar unundan dahi ekmek füruhtuna müsaade olunacak isede daire nizamına mutabık bulunmadıkları takdirde füruhtu daire tarafından men' olunacakdır.

Altmış sekizinci bend
Derece-i ûlâda taaffüne yüz tutmuş et ve sair mevad ile masnu' börek ve poğaça gibi şeyler işleyenlerden dahi ceza kanunname-i hümayunun iki yüz elli yedinci maddesine tatbikan altı beyaz beşlikden on beyaz beşliğe [kadar...]