487

Beşliğe kadar cezay-ı nakdî ahzıyla mücâzât olunacaktır ve yapdıkları şeyler dahi zabt kılınacaktır.

Altmış dokuzuncu bend: Bu misillü furunların mağazalarında bulunan dakiklerin cins ve hâlini ve hamur işlemesini ve ekmek tabhını tecessüs etmek üzere dâire-i belediye cânibinden olur olmaz vakitlerde furunlara gidilecektir.

Yetmişinci bend: Dakik bozuk olduğu takdirde bilâ-ifâte-i vakt kânunnâme-i hümâyûnun iki yüz elli yedinci maddesine tatbîkan ahz ve zabt ile bahre veyâhut nehre veyâhut hâric-i şehre tarh ve ilkâ olunacaktır.

Yetmiş birinci bend: Et ahz ve itâsına herkes me'zûndurlar.

Yetmiş ikinci bend: Bundan böyle dükkânlarda hayvan kesilmeyecektir.

Yetmiş üçüncü bend: Civâr-ı mesâkinden baîd ve mahal-i münâsibde dâire cânibinden ihdâs olunacak salhâneden başka hiç bir mahallede hayvan boğazlamak ve yüzmek ve temizlemek memnûdur.

Yetmiş dördüncü bend: Sâlifü'z-zikr salhâne ve müteferriâtı mehmâ-emken bir usûl-i haseneye tevfîkan yapılacaktır.

Yetmiş beşinci bend: Hayvânât besleyen kimesneler ve celeb ve tüccârını diler ise sâir kasablar misillü dâire salhânesinde kesilmiş etlerini fürûht içün dâire çarşularına irsâle me'zûndurlar.

Yetmiş altıncı bend: Kasab dükkânlarının irtifâı üç buçuk, arzı dört buçuk, umkı altı buçuk zirâ olacaktır.

Yetmiş yedinci bend: Mahsûsan yapılacak pazar yerlerinden ve kasab dükkânlarından mâadâ hiç bir mahallede et fürûht olunmayacaktır.

Yetmiş sekizinci bend: Mezkûr dükkânlar dâimâ tathîr olunup hattâ kapuları lodos ve garb taraflarına açılanları yan taraflarından dahi hava almak üzere inşâ olunmalıdır. Maamâfih derûnlarında kış ocağı ve yemek ocakları ve mangal bulunmayıp yatak odalarının dahi destgâh üzerine kapu ve pencereleri olmamalı.