490

Doksan dokuzuncu bend: Hamamların suları künkler ile doğruca ana lağımlara isâle olunacaktır.

Yüzüncü bend: Asla ne vesile ile olur ise olsun hamam suları tarîk-i âm ve havlu ve bahçelere dökülmeyecektir.

Yüz birinci bend: Hamamlarda havlu ve futaların temiz olmasına ve bu misillü mahallerde sıhhat-i nâsa dâir kâffe-i husûsâta kemâl-i dikkatle nezâret olunacaktır.

Yüz ikinci bend: Sıhhat-i nâsa muzır gaz ve buğu ve fenâ koku ve çok tütün veren ve harîk zuhûru yâhud patlamak tehlikesi olan ve’l-hâsıl şamatası gâlib ve toz veren fabrikalar mücerred mesâkin-i ahâlîden mehmâ-emken baîd mahallerde inşâ ve ihdâs olunabilecektir.

Yüz üçüncü bend: Fabrika ihdâs etmek isteyen kimesne dâire meclisi vâsıtasıyla Bâb-ı Âlî’den ruhsat tahsil etmedikçe bu dürlü mahallin inşâ ve küşâdına mübâşeret edemeyecektir. Bu sırada ruhsat i’tâsı dahi küşâdı istid’â olunan fabrikanın ahâlî ve fabrikacı hakkında lâzım gelen sıhhat husûsları me’mûrîn-i mahsûsa vâsıtasıyla tecessüs ve tahkîk olunup erbâb-ı vukûfun göstereceği esbâba mebnî reylerine muvâfık dâire cânibinden karar verilen şerâit icrâsına menûttur.

Fî 17 Ramazan sene 1275

Vilâyet