518

Hâmisen bostan veyahud ebniyesiz arsaların mevcud muhafaza duvarlarının tamiri içün on guruş resm alınacakdır ve ebniyeli bir arsanın duvarlarının tamiratı ebniye-i mezkûre içün ahz olunmuş olan tamir tezkiresiyle icra olunabilir.

Sâdisen cevami ve mekâtib ve kışla ve hastahaneler misillü ebniye-i hayriye ve miriyenin tamiratından dahi resm alınmayacakdır.

( Ebniye yüzü rüsumatına dairdir )

Beşinci Madde Kalfalar veyahud kalfası olmayan ebniye ashabı eğer icra edecekleri imalat turuk ve ebniye nizamnamesinin otuz yedinci maddesinde mestur olan kabilden ise inşa ve tamir resminden başka olarak bir de ebniye yüzü resmi ita edeceklerdir işbu resm tarik-i âmm üzerine inşa olunacak binanın kâffe-i katları yüzünün tuluna göre alınacakdır şöyle ki mezkûr binanın tahtı o altı olmayıp da zemin katı olur ise bu dahi dahil olduğu halde katların yüzleri başka başka mesaha ve badehu cem olunarak yekûnu her ne kadara baliğ olur ise her beş arşın tul içün zirde muharrer resm ahz olunacakdır.

( Her beş arşın tul içün alınacak resm )

Guruş
50 Zemini yüz arşın terbîine kadar olan hanelerden
20 Zemini yüz arşın terbîinden ziyade olan hanelerden
40 Dükkânlardan
50 Hamam ve hanlardan
50 Muhafaza duvarlarından

Beş arşına baliğ olmayan küsurdan bir şey taleb olunmayacakdır ve ebniye-i hayriye ve miriye resm-i mezkûrdan muaf olacaklardır.

( Tevsi ve istikamet levhaları harcına dairdir )

Altıncı Madde Turuk ve ebniye nizamnamesinin üçüncü ve beşinci maddelerinde beyan olunduğu üzere haneler üzerine konulacak her bir tevsi veya istikamet levhası içün