519

İçün kalfasız veyahud kalfası olmayan ebniye ashabı levhayı aldıkları vakitde on beş guruş harc vereceklerdir.
( Kaydiye beyanındadır )

Yedinci Madde: Kalfalar veyahud kalfası olmayan ebniye ashabı mevad-ı sabıkada beyan olunan resim ve harclardan maada zirde muharrer kaydiye harcını dahi ita edeceklerdir.
Para
1 - Müceddeden inşa olunacak ebniye içün verilecek tezkerenin kaydiyesi olmak üzre beher guruşda
1 - Ebniye yüzü içün verilecek tezkere kaydiyesi olmak üzre beher guruşda
40 - Tamir içün verilecek tezkerenin beherinden
40 - Turuk ve Ebniye Nizamnamesinin kırk ikinci maddesinde mestur ebniye yüzü içün verilecek tezkerelerin beherinden
40 - Tevsi ve istikamet levhalarının beherinden

( Rüsumatın suret-i te’diyesine dairdir )

Sekizinci Madde: Resim verecek olan kalfalar veyahud kalfası olmayan ebniye ashabı inşa edecekleri binanın mevkiiyle ne neviden olduğu ve yapılacak her bir katın mikdar-ı sathisiyle yüzünün ve cumba ve şahnişinlerin tulunu mübeyyin ebniye idaresi canibine mumza veyâ memhûr bir kıta istida-name ita edeceklerdir ve istida-name-i mezkûrun meali hakikat-i hale mutabık olmak lazimeden olub aksi takdirinde ashabı mesul tutulacaktır.

( Hilaf-ı nizam vukua gelen harekata dairdir )

Dokuzuncu Madde: İşbu nizamnamenin birinci maddesine mugayir olarak nizamname-i mezkûrda muharrer harc ve rüsumatı evvelce te’diye etmeksizin icra-yı imalata başlayan kalfadan veyahud kalfası olmayan ebniye ashabından te’diyesine mecbur bulundukları resim ve harc tahsil olunacağından başka bunların iki misli kadar ceza-yı nakdi dahi istihsal kılınacaktır.

Onuncu Madde: Yedinci maddenin hükmüne tevfikan ebniye idaresi canibine istida-name ita edecek olan kalfa veyahud ebniye ashabının verdikleri