54

Matlubları hakkında işbu nizamnamenin hükmü kâmilen cari olacaktır. Yalnız iltizamın gayrı ahz ve italarında dahi zikr olunan altmış yedi senesinden mukaddemki alacakları içün bir gûna münazaaları zuhurunda Hazine-i Hassa’ya havale ile nizam-ı kadimi vechile rü’yet ve tesviye ettirilecektir.

On Altıncı Madde: Müşterilerden dahi sarraflardan selb-i emniyet ederek matlubatını iddia edenler olur ise sarrafların alacak iddia eyledikleri müşterileri hakkında olunacak muamele bi-aynihi o makule sarraflar hakkında dahi cari olacaktır.

On Yedinci Madde: Hal-i iflasda bulunan sarraf veyahut müşterinin emlak ve emvali satılıp hazineye ve saireye olan deynine esman-ı hasılası kifayet etmeyip de açığı kalır ise vakta mine’l-evkat sa’a-i hali tebeyyün eyledikde anı dahi kâmilen tediye etmeğe mecbur olacaktır.

On Sekizinci Madde: Bir sarraf sekteli halde bulunup da bu halini bertaraf ederek veyahut müflis olup da sonra kâmilen tediye-i deyn eyleyerek iade-i itibar eder ise Hazine-i Celilece taahhüdü makbul olacaktır.

Fi 2 Zilhicce sene 1274

Gayr