540

Küfeler derûnunda nakl olunan haklarından hilâfında hareket idenler görüldükde ba-jurnal dâire-i cânibine gönderilecekdir.

Yedinci Madde: Umûmen terâzû ve kantâr ve ölçek ve dirhemlerin tâm ve damgalı olmayanlarını cânib-i dâireye irsâl ideceklerdir.

Sekizinci Madde: Belediye çavuşları cümle hakkında icrâ-yı muâmelât-ı pederâneye mecbûr olduklarından zokaklarda gezen ve oynayan çocukları vukû‘u melhûz olan kazâlardan muhâfazaya ve kazâ çıkarabilecek şeyleri muâmele-i rıfkıyye ile men‘e gayret eyleyeceklerdir.

Dokuzuncu Madde: Dükkânlar ve zokaklarda satılan umûmen erzâk ve meyve ve bakliyyât ve sâir me’kûlâtın bozuk ve çürük ve kokmuş olanları ve karışık kahve ve sâir şeylere tesâdüf olundukda der-akab zabt olunup ba-jurnal Şehremanetine gönderilecektir.

Onuncu Madde: Lağım ve su yollarında bozukluk ve su terâzûlarından boruların patlayıp hârice akarak telef olduğu görüldüğü ânda der-hâl dâire-i emânete haber verilecektir.

On birinci Madde: Ba‘zı mahalle aralarında ve gerek cadde üzerinde hasbe’l-îcâb lağım ve su yolları açdırılıp da üzerini toprak ile örtüp evvelki gibi yine kaldırımı tesviye ve taşları ferş etdirilmemiş olduğu görüldüğü hâlde kim açdırmış olduğu bi’t-tahkîk açdırmış olan zâta kaldırımın tesviye edilmesi teklîf olunarak ısgâ edilmediği takdîrde keyfiyeti der-akab Şehremanetine bildirilecektir.

On ikinci Madde: Ahâlinin tecemmu‘ etdiği kahvehâne ve gazino ve sâir zokaklarda âdâba mugâyir bir şey görüldüğü hâlde men‘ olunacağından mâadâ halkın râhatını giderir sarhoş veyâ zokaklarda rezâlet iden eşhâs görüldükde en yakında bulunan zâbıta me’mûrlarına haber verilecektir.

On üçüncü Madde: Nâkısu’l-vezn ekmek bulunduğu hâlde zabt olunup ba-jurnal dâireye gönderilecektir.

On dördüncü Madde: Terâzû ve kantâr veyâ ölçek ile vezn olunan eşyâ nâkısu’l-vezn [olduğu]