563

Tahrir olunarak sahibi yedine verilip imrarına müsaade olunacaktır fakat bu kavle sahibine reddolunacak tezkerede muharrer eşyadan birkaç kişiye satılmış olup da her biri bir tarafa gidecek bu şübhede tezkere taleb ettikleri halde bunlara başka başka meccanen tezkere verilip atik tezkere battal edilecektir.

Hububat-ı hamse tabir olunan buğday ve arpa ve kokoroz ve darı ve alef ve bunlardan tahn olunmuş dakikden dahil-i Memalik-i Mahrusa’da ve karadan yine Memalik-i Mahrusa’nın her ne mahalline gider ise gitsin gittikleri mahallerde ber-ayçe resm-i gümrük alınmayıp her ne zaman sahile tenzil ile iskeleden sefineye ve kayıklara tahmil olunur ise ol vakit yüzde on iki gümrük rüsum-ı icabiyesi ahz olunacaktır (1)

At ve bargir ve sığır ve camus ve soğan ve sarımsakdan dahi kezalik bir mahalde resm-i gümrük alınmaz fakat berren ve bahren memalik-i ecnebiyeye naklinde tarifede muharrer olmayıp sair rayice bırakılan eşya misillü kıymetinden sevahil gümrüklerinde resm-i gümrükü alınacaktır.

Kila-i Hakaniye’nin istibdal olunacak zahairi gümrük derun-ı memleketde alınmayıp satılsın ve gümrük iskeleden tahmil-i sefine ile nakl olunsun resm-i gümrük mütalebe olunmayacaktır (2)

Gümrük mal-ı miri olan ve gümrük ashabı uhdelerinde bulunan gümrük ve memurin-i saire mahallerinin takdir olunmuş ve olunacak icarları mültezimleri canibinden mahalleri emval sanduklariyle ashabı taraflarına başkaca verilecektir.

___
Emtia gümrüklerinin muamelesi tahtında olmayan ve müdahalesi sebkat etmeyen

(1) Bu bendin yüzde on iki resm-i gümrük ibaresi mensuh olup sair ahkamı bakidir.
(2) Bu bendin hükmü dahi esliha ve mühimmat-ı harbiyeden maada kaffe-i devair eşyasından resm-i gümrük ahzı hakkında fi 20 Cemaziyelevvel sene 86 tarihinde şeref-sudur buyurulan irade-i seniye hükmünce mensuhdur.

Eşya