563

Eşya gümrükleri işbu emtia gümrüklerinin haricinde olduğundan emtia gümrükçüleri tarafından müdahale olunmayacaktır (3)

Memalik-i Mahruse-i Şahaneden toplanılan kırpasparelerin resm-i gümrüğü başkaca idare olunduğundan zikrolunan kırpaspareler içün emtia gümrükçüleri tarafından resm-i gümrük mütalebe olunmayacaktır (6)

Foçateyn ve Çeşme kazalarında hasıl olup gümrükü ham ve gümrükü mamul olarak yalnız memalik-i ecnebiyeye çıkan ipek taşlarından ve kırmız taşından resm-i gümrük alınacaktır

Dersaadet gümrükü ve mülhakatından maada gümrüklerde ticaret içün olmayıp asakir-i şahane elbise-i şitaiyesiçün Balıkesri ve İslimye'de nesç ve imal ettirilmekde olan aba ve çuhaların eczasından olarak mübayaa olunan yapağıdan ve feshane-i amireye mahsus olan İspanya ağnamının yapağısıyla cüludundan resm-i gümrük mütalebe olunmayacaktır (7)

Gelibolu ve Marmara ve Kapudağı ve mahal-i saire-i malumeden Dersaadet'e gelen tuzlu ve taze balığın rüsum-ı icaiyesi Dersaadet balıkhane senevi verileceğinden ve makule balıktan mahalleri gümrüklerinde bir güne resm-i gümrük ve saire mütalebe olunmayacaktır.

Darphane ve Tophane ve Mühimmat-ı Harbiye ve Baruthane-i Amirelerin kadimi veçhile celb olunmakda olan ve ötedenberü gümrük alınması mutat olmayan nühas ve kurşun ve kereste ve kömür ve güherçile ve yuvarlak ve nil ve katran mürtebanı yine kadimi veçhile bil-istisna bunlardan taşra gümrüklerinde resm-i gümrük alınmayacaktır
Memalik-i Mahruse-i Şahanede imal olunan hamr ve arak ve şampanya misillü enva...

---
(3) Gümrükler umumen idare-i iltizamiyeden çıkıp emaneten idare olunduğu cihetle bu bendin hükmü mefsuhdur
(6) Baladaki şerh mucibince bu bendin hükmü mefsuhdur
(7) Esliha ve mühimmat-ı harbiyeden maada kaffe-i devair-i miriye eşyasından resm-i gümrük alınacağı hakkında balada gösterilen irade-i seniyeye mebni bu bendin hükmü mefsuhdur