565

( Dersaadet gümrüğüyle mülhakat gümrüklerinin muamelat-ı dahiliyesine dair )
( Nizamnamedir )
( Memurînin harekâtına dairdir )

Birinci Bend: Memurîn ve hademe-i gümrükden her hangisi maiyetinde bulunduğu metbuundan bila-izin tatil-i hizmet edip gelmeyen olduğu vakitde ol metbuu meskût-ün anh bırakmayıp derhal mümzâ ilmühaber ile muhasebeye haber verecek ve bu suretle bir mahda her kimlerden kaç gün tatil vuku bulur ise ol kimesnelerin maaş-ı muayyenelerinden yevmiyelerine her kaç guruş isabet eder ise yevmü'l-kıstı bi'l-hesab ol mikdar meblağ maaşlarından kat' ve tenzil olunarak bu babda bir defter-i mahsus tutulup ol defter kaydıyla beher ay ahirinde defter-i mezkûr emanet gümrüğe irae ile ba'de'l-işare havi olduğu meblağ irad kayd kılınacaktır.

İkinci Bend: Zikr olunan metbu' maiyeti memurlarına özr-i şer'î zımnında izin vermeğe me'zun ise de işbu izin üç günden ziyadeyi şamil olamayıp andan ziyade müddet-i izne muhtaç olanların gümrük emaneti tarafına tahrîren beyan-ı hal ederek kaç güne ruhsat verilir ise emanet tarafından mezkûr beyan-ı hali havi istidaname üzerine işaretle metbu'-ı mezkûr tarafında hıfz edilecektir.

Üçüncü Bend: Metbu'-ı mezkûr maiyetinde bulunanlardan birisi bila-izin maslahatı başına geldiğini balada beyan olunduğu vechle muhasebeye vaktiyle mümzâ ilmühaber itasıyla ihbar etmediği halde mes'ul tutulacaktır.

Dördüncü Bend: Malını gümrükde mevki'-i muayeneye getürdükden sonra tüccâran lazime-i zimmetini ifa etmiş ve maslahat-ı muayene memuranının dikkat ve ihtimamına kalmış olacağından mal-ı mezkûr mevki'-i muayeneden kaldırıldıktan sonra içinde bir gûna eşya-yı mektûme zuhur eder ise bunun içün tacirine kaçak nazarıyla muamele olunamayacağından tacir-i merkumdan ziyade çıkmış olan eşyanın resm-i gümrüğünün istihsaliyle iktifa olunarak saire mucib-i intibah olmak üzere mal-ı mezkûru