571

( Sundurmalar muamelatına dairdir )

Yirmi dördüncü bend — Büyük gümrük meydanına inşa olunan sundurma anbarlar yüzde beş rüsum-ı gümrüğün defaten te’diyesine imza veren bazirganların mallarıçün mahsus bulunduğundan işbu sundurmalara aharların malı vaz‘ olunamayacaktır (2)

Yirmi beşinci bend — Vapurlardan gümrük iskelesine ihrac olunan mezkur bazirganların eşyası iskeleye ihracı anında iskele memuru tarafından kayd-ı defter olunarak müretteb olan sundurmalara mehmâ-emken tacir tacir ayruca ve nizam ve tertib üzere olarak istif olunacak ve sundurmalar defterlerine kayd kılınacaktır ve sundurmalardan istekli vekili sırasıyla mahal-i muayeneye çıkarılarak umumen küşad ve muayene birle gerekçe sair muamele-i lazimesi icra edilecektir (2)

Yirmi altıncı bend — Sundurma mallarından mezkur olduğu vech üzere sırasıyla mahal-i muayeneye geldikde sahibi mevcud bulunub da malını alamadığı halde yirmi dört saat meydan-ı muayenede bırakılıb müddet-i merkumede yine sahibi zuhur etmez ise ardiye anbarına kaldırılacaktır (2)

( Ardiye anbarı muamelatına dairdir )

Yirmi yedinci bend — Memalik-i Mahrusa-i Şahane ve diyar-ı ecnebiye mahsulat ve mamulatından olarak ticaret-i Dersaadet’e celb ile İstanbul ve Galata ve Kireçkapısı (2) Tecdid-i muahede olundukdan sonra resm-i gümrük ale’l-umum peşin alınması takarrür etdiğinden bu bendin hükmü yokdur gümrüklere tevarüd eden eşya bir gice bile açıkda bırakılmayub anbara kaldırılması ve sahibi zuhur edüb de taleb etmedikçe mevki-i muayeneye konulması tecdid-i muahede olundukdan sonra ittihaz olunan usul iktizasından olduğundan bu sundurma muamelatının ahkamı mefsuhdur