572

Gümrüklerine ihrac etmekde oldukları kâffe-i eşyayı tayin olunan müddet zarfında ashabı mezkûr gümrüklerden kaldırub mağazalarına nakl etmedikleri halde kendilerinden ardiye resmi alınacakdır (3)

Yirmi sekizinci bend: Tüccar gümrüklere ihrac eyleyecekleri kâffe-i emtia ve eşyalarını gümrüklere ihrac olundığı günden itibaren bir haftaya kadar resm-i gümrüğüni ifa ederek gümrüklerden kaldırmadığı halde dokuzuncu günden itibaren bir haftalık olmak üzere sagîrinin ve sanduklarıyle bir buçuk kıntardan iki kıntara kadar gelen şeker fıçılarıçün yevmiye on ve kebirleriçün yirmişer ve balya ve kafes ve kebir hırdavat fıçısı ve iki kıntardan yukarı olarak beş kıntara kadar gelen şeker fıçılarıçün kırkar para ve beş kıntardan yukarı olarak on iki kıntara kadar olan şeker fıçıları içün ikişer guruş ardiye rüsumı alınacakdır (3)

Yirmi dokuzuncu bend: Bir hafta mürur edüb de eşyayı mezkûre yine kaldırılmadığı suretde ikinci hafta içün işbu mukarrer olan ardiye rüsumının bir misli daha zamm ile tahsil olunacakdır (3)

Otuzuncu bend: Üçüncü hafta dahi hulul edüb de yine gümrükde bırağılur ise ol halde resm-i mezburun esası üzerine üç misli zamm ile on para alınan denk ve sanduk ve fıçıdan birer guruş ve yirmi para alınanlardan ikişer guruş ve kırk para alınmak lazım gelenlerinden kezalik üç misli zamm ile dörder guruş ve iki guruş alınacak olanlarından sekizer guruş resm-i ardiye istifa kılınacakdır ve bu miktar resm-i ardiye vermeğe razı olan tüccar eşyasını istediği kadar gümrükde bırakabilecekdir (3)

Otuz birinci bend: Fakat tüccardan birinin malı gümrüğe çıkarıldıkdan sonra ashabı tarafından aratdırılub buldurılamadığı halde ne vakit bulunur ise ol vakte kadar işbu ardiye rüsumı alınmayacağından o makule gümrüklerde bulunmayan eşyanın ashabı marka ve numrosıyle eşyayı vāridesinin bulunmadığını tahrîren gümrük emanetine vaktiyle bildirerek emanet-i mezkûrenin emriyle keyfiyetin anbar defterlerine

kayd