60

Def‘asında bir aylık maâşı mikdarı akçe cezâ kendisinden alınmak ve yine mütenebbih olmaz veyahut olunan tenbihatı adem-i itaatle icra etmez ise memuriyetinden tard olunmak lazım geleceğinden tahsildarlardan birinin adem-i takayyüde dair böyle bir hareketi vukuunda meclis-i idarede bittedkik sabit olduktan sonra ba-mazbata mutasarrıflıktan istizan olunarak icabı icra kılınacak ve bu makulelerden bir aylık mikdarı ceza ahz olunmuş olan mebaliğ mazbatasıyla re’s-sancağa gönderilerek merkez odasında emaneten hıfz ile sene ahirinde o kazanın tahsildarlarından ifa-yı hüsn-i hizmet ve gayret etmiş olan her kimler ise hizmet ve gayretleri derecesine göre anlara taksim olunacak ve bu makule vukuat ve icraatın sene ahirinde bir kere birer jurnali merkez-i vilayete gönderilecektir ve tahsildarlar hakkında bu vechle ceza-yı akçe ahzi ve kendilerinin memuriyetlerinden tardı misillü muamelat mücerred memuriyetlerinde kusur ve müsamahaları üzerine müterettib olup töhmet ve kabahat ve cinayete müteallik sair ahvalde mukteza-yı hükm-i kanun ne ise bila-istisna icra kılınacaktır.

Sekizinci Bend: Tahsildarların icra edecekleri memuriyetlerinin vezaifini balada beyan olunduğu vechle mahdut ve muayyen olduğundan ve maaşları dahi bu hizmetin ücreti bulunduğundan tahsildarlar işbu umur-ı tahsiliyeden başka işlerde kullanılmak veyahut diğer memuriyetlerde istihdam olunan bir memura tahsildar maaşı aldırılmak misillü bir hal ve hareket vukubulur ise müddet-i istihdamında verilen maaş kamilen o mahallin mülkiye memurlarına tazmin ettirilecektir.

Dokuzuncu Bend: Köylere giden tahsildarların mekulatı ve şair ve saman tayinatı için evvel emirde her mahallin rayicine göre kazalar meclis idaresinden fiat-ı mutedile takdir ve ilan olunup o fiat ile köylerde aldığı mekulat ve yem bahasını ödemeyen tahsildarlardan akçeleri alındıktan sonra kendileri te’dib olunacaktır.

Tapu