602

( İhracat ve idhalat ile dahili sarfiyat için gümrüklerden )
( verilmesi karar-ı âli iktizasından olup tanzim olunan resmi )
( vechle tab' ettirilen makbuz senedlerinin kimlere )
( ve ne suretle verileceğini mübeyyin talimatdır )

İşbu makbuz senedleri gümrüklerin eda tezkereleri misillü ve beher cildi yüz ellişer
varakdan ibaret ve koçanlı olarak cetvel gibi haneli tanzim olunmuş
olmakla cinsi ve kıymet-i eşya ile ashabının esamisi ve alınacak resm-i gümrükün
miktarı ve emvalin geldiği veyahut gittiği mahalli haneleri hizasına
yazılıp zirinde matbu bulunan zeyl ibaresinin açık yerleri dahi
doldurulacak ve balay-ı senedde gümrükün ismiyle koçan defterinin ve sırasıyla
senedin numarası yazılacaktır.

Saniyen senedlerin açık olan mahalleri ne vechle doldurulacak ise koçanlarının
açık mahalleri dahi ol vechle doldurulup gerek senedlerde ve gerek koçanlarında
hak ve kalema tashih misillü muamele kat'a caiz olmayacaktır.

Salisen eda tezkereleri ne vechle memurin-i gümrük taraflarından sahlanıp
mühürlenir ise mezkur senedler dahi ol suretle sahlanıp temhir kılınacaktır.

Rabian işbu senedlerin kâmilen sarfında koçanları eda tezkereleri koçanları
misillü gümrük emanet-i celilesi canibine gönderilecek ve bunlar dahi eda tezakiri
misillü adi kâğıd üzerine yazılarak verilmek memnu olduğundan tükenmezden
bir iki mah evvelce göndermek üzere ilerü altı mah müddeti için ne miktar lazım ise
bittahmin Dersaadet emanetinden talep ve celb edilecektir.

Hamisen usul-i sabıkası vechle bermuceb-i nizam eda tezkeresi ita olunanlara
mezkur senedler verilmeyecektir.

Sadisen tüccardan olup bermuceb-i nizam zikrolunan eda tezkeresini ita etmek
iktiza etmeyenlere bunlar gerek istesün ve gerek istesün resm-i gümrük alındıktan sonra
mezkur senedleri bilistisna cümlesine vermeye memurin-i gümrük behemehal
mecbur olup vermedikleri halde mes'ul tutulacaktır.

Sabian tüccarın gayrı olanlar ile yolculardan bermuceb-i nizam eda tezkeresi
ita